La Usc di Ladins

L à inom »Stella e la Regina delle Dolomiti« e l é n auter travert che Alberta Rossi da Soraga l’à arjont te sie percors per ruar al ensomech de soa vita: far la scritora.
Scriver l é semper stat la roba che ge piajea de più e da n muie de egn l’à scomenzà a portar inant chesta soa pascion crean poejie, contie e storie, tant per ladin che per talian. L enteres per l scriver e l amor per l ladin e soa cultura é cresciui ti beleche 30 egn che Alberta à lurà tel Istitut Ladin a Sèn Jan, e che se à conjobià con soa gaissa de contar storie, soraldut per i bec.
Ades l é ruà a compiment chesta ultima produzion. »Stella e la Regina delle Dolomiti« l é n liber pissà per chest temp da Nadal, »na contia anter crep, neif e steile olache ence la giacia sà sciudar l cher« e l é stat dat fora con Artimedia da l’editora Valentina Trentini te la ‘Collana Artifavole’, che respon patoch al stel de Alberta Rossi, che te si scric la enterza semper le contie con le informazion sun lesc e protagonisć de soe storie.
Chest liber à ispirà ence na composizion musicala, che vegn portada dant en martesc ai 23 de dezember da le 17.30 te La Gran Ciasa a Soraga.

Se pel lejer dut su La Usc nr 49 dai 19 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.  (Lucia Gross)