La Usc di Ladins

I é pech più che 80 i sozi del Zircol de la jent de età de Moena, che à inom Ilario Bez per recordèr la persona che per chest Zircol à fat trop. Na cincantina de chisc sozi se à binà ai 18 de oril tel teater de la parochia per la radunanza e l é stat na bela ocajion ence per festejèr i 35 egn de vita e i sozi più de temp che se à dat ju.
L president Marcelin Chiocchetti ge à dat l benvegnù a duc e l à rengrazià dantfora chi che deida e recordà i sozi se n jic tel ultim an, per prum Paolo Defrancesco Bona, che l tegnia i conc del Zircol e ne à lascià de colp ai 2 de mé del an passà. »L merit più gran l é del Paolo Bona - l à dit l president - se ancö podon festejar na bona növa: do 23 egn de letre, supliche e scinternamenc sion ruè a piz co la costion de la Ciasa Tea e coscita ades aon l met de comedar noscia senta.«

Podede lejer dut su La Usc dai 24 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)