La Usc di Ladins

La fin de setemèna de evenc per la jent de età de Moena, peèda via col Zircol, é jita inant la domenia te la sala Simonin Maza de la Scoles coi festejamenc per i 30 egn te chest paisc de l'UTETD, l'Università de la Terza Età e Temp Desponibol, te n domesdì vidà da l'assessora a la cultura Cristina Donei e avert dal ombolt Alberto Kostner, che à sotrissà che l é miec rejonèr de complian, na parola che dèsc n sens più vif che cedean.
Etres intervenc é rué dal conseier de procura Bernardino Chiocchetti che à portà dant mingol de storia de l'UTETD e de la situazion sozio-culturèla te val ti ultimes 50 egn; da la assessora a la cultura de Sèn Jan Mirella Florian, che l'à recordà i 40 egn giusta compii da l'UTETD  a Poza e, coi augures per l complian, l'à engaissà i 'studenc' prejenc con de bela paroles ladines; da Paolo Decarli, president de la Fondazion Franco Demarchi che coordenea chesta bela perferida te dut l Trentin e l à rengrazià la referenta generèla Laura Antonacci, i referenc del Comun e i studenc de Moena e da la professora Barbara Bonu, che l'à portà l salut da man de duc i dozenc. Sun paladina l é stat chiamà dapò Enrica Zanon del Tonac, che l é stat una de la prumes studentes e che dal 2008 la é referenta di studenc de Moena.

Podede lejer dut e veder ence desvaliva fotografies del bel domesdì su La Usc dai 24 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Lucia Gross)