La Usc di Ladins

En vender ai 17 de oril, te sala de Consei de Comun de Ciampedel, tedant a n publich numerous e ascort con presciapech 50 persones, l é stat rejonà de demenzes con l professor Giorgio Fumagalli, neurologh e enrescidor del Zenter Interdipartimental Ment/Cervel (CIMEC) de l’Università de Trent.
Ajache la demenzes é leèdes n muie a fatores che revèrda l stil de vita, l professor Fumagalli à sotlineà coche la prevenzion sie la pèrt più emportanta sun chela che podon lurèr, desche singoi e desche comunità. La letradura scientifica defat l’à troà fora 14 fatores de risech che se pel mudèr e sun chisc se pel entervegnir per prevegnir o entardivèr fin al 45% di caji de demenza. Anter chisc per ejempie l é n livel bas de istruzion, l isolament sozièl, no veder o no sentir più ben, stèr massa cec, l fum e l consum de alcol. 
L professor Fumagalli tinultima l à dat vèlch consei per tor su de bona prateghes de vita con serenità.

Podede lejer dut su La Usc dai 30 de oril da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (EP/CT)