La Usc di Ladins

N dumënia danmesdì ai 26 de auril, do la santa mëssa, se à ancuntà truep ulenteres y truepa ulenteres, che lëura y ti juda ala pluania de Sëlva, per na festa n si unëur. Propi cun la paroles »A duc vo ulenteres n gran Die ve l paie per la cunlaurazion« à l cunsëi de pluania, deberieda cun l cunsëi de aministrazion dla pluania, rengrazià per duc chël che i:les fej. N ucajion de chësta ancunteda, àn prejentà l’atività di ultims cin’ ani, propi nce ajache chëst ann uniràl
fat la veles dl cunsëi nuef.

Dl'atività di ultims cin' ani, dla nuviteies, dla paroles dl presidënt Florian Perathoner o dl pluan de Sëlva y digan de Gherdëina, sn. Ivo Costanzi, pudëis liejer tl'edizion nueva de La Usc che vën ora ai 30 de auril.

Julia Lardschneider