La Usc di Ladins

L é jà passà mesa sajon da d’istà e chi che se cruzia de numeres fèsc jà n prum bilanz. Da la sozietà de impianc portamont de Ciampac rua la conferma de n istà n muie positif de gra al bon temp e al ciaut ence sa mont che à portà te val n muie de ghesć. Ai 23 de messèl la cabinovia de Ciampac à dombrà 67.700 passajes, con +26% respet al 2025 e adertura +46% respet al 2024 tel valif trat de temp. N muie ben va la sentadoa Sela Brunech che à segnà +53% de passajes, chest percheche la sozietà à dezidù de porjer l biliet tel cost de la cabinovia de Dèlba.

Chest istà l é stat smaorà e miorà l troi per i bec ‘Su la pedies de Ciampy’ e l é stat metù ju ence n calandèr con scontrèdes dedichèdes al benesser. En vender ai 31 de messèl e vender ai 21 de aost con scomenz do les 5 da sera l é en program na sescion de pilates, yoga e meditazion.

Dut l articol te la dizion neva de La Usc di Ladins de en vender a 31 de messèl  (MCI)