La Usc di Ladins

L Classic Physique l é na pèrt del bodybuilding out a l’estetica, la simetria e la proporzion del corp di atlec. Luca Daprai l é n tous da Cianacei, clas 2001, che ti meisc passé à tout pèrt a desvaliva gares internazionèles e l se à portà a cèsa de bogn resultac. L é l soul fascian che se dèsc ju te chesta disciplina; l aon domanà fora.

Te ès portà a cèsa de bogn resultac!
É scomenzà endò la gares do trei egn che siere cet. É fat en dut cater competizions. La pruma does l era doi gares regionèles, l Trivenet e la Batalia de Legnano a Milan. É fat doi prumes posć de categoria e é vent i assoluc. É podù tor pèrt dachelanvia al campionat talian de Rimini olache é fat na terza piaza, chiò no é podù tor pèrt al assolut. Son ampò jit inant e é fat l’ultima competizion a Budapest te l’Ungaria, che l é cognosciù desche campionat del mond. Ence chiò la é jita n muie polito e é portà a cèsa l prum post de categoria, l assolut no l era. Coscì é fenì mia sajon agonistica.


Podede lejer dut su La Usc stampèda dai 17 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Nicoletta Riz)