La Usc di Ladins

Per l grop de joegn che acà 6 egn à ciapà te man l endrez de la Festa Ta Mont l é oramai ora de se cruzièr di ultimes detaes. Beleche dut é oramai vertech per la neva edizion de chest bel event, ruà a la numer 19. Se aon fat contèr vèlch da la presidenta Melissa Locatin.
»Sion de 11 tel Comitat e la Festa oramai aon emparà mingol a se la endrezar, ma aon da lurar dut l an. Ormai ogneun del comitat sà che far, se didon semper fora ma duc à soa enciaria. N gran lurier vegn fat fora per dut l an per i materiai del magasin e col vadagn de la Festa ta Mont vegn comprà art e aparac e mudé fora canche l é de besegn. Chisc i vegn metui ence a la leta de le sociazion che i li domana, e canche l é da i dar fora e da i tor de retor i cogn semper vegnir controlé e metui a post. Noi vegnon didé da duta la comunanza, se no fossa i volontadives no podassane far nia, donca l é de giust che vardassane ence noi de far valch per la comunanza.«
Su la piates de la manifestazion de La Usc se pel troèr l program. Maor informazions sul sit www.festatamont.it olache se pel ence de desćiarièr l libret con la mapa de duc i stonc e sia perferides, per poder desfrutèr al miec dut chel che i volontadives enjigna e sporc.

Podede lejer dut su La Usc stampèda dai 24 de messèl da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (LG)