La Usc di Ladins

Posses’a te prejenté n curt? 
Son Renè Venturini, vive a Urti-jëi, ma son nasciù tl Honduras. Nchin tla terza scola mesana éi vivù a El Salvador, perchël me sënti belau plu da iló.

Co iela pa suzeduda che te ies ruvà tla Talia? 
Dl 1979 sons mucià tla Talia. El Salvador ne fova nia plu segur, l fova viera danter l militer che univa sustenì dal USA y la guerrilla de man ciancia, la FMLN. N curt: la populazion stritova contra l stat. Mi mami fova bele n diesc ani dant ruveda ca tla Talia, canche fove mo scialdi pitl, nëus stajan da mi pere. Chësta viera à durà nchin dl 1992, de ndut iel mort 80 mile persones, do la rata scialdi per n pitl stat de mé cater milions de zitadins. Per fertuna sons stac boni de mucé, de nuet, na cossa nia saurida, l ie stat rie a lascé nosc ncësa.

Na vita nueva tla Talia. 
Eh, ove 15 ani canche son ruvà ca de dezëmber dl ‘79. Son ruvei a Bulsan ulache Josef Venturini nes ova tëut su dui trëi. Mi tati nuef ova laurà per plu ani dala Typak, plu tert àl metù su na si tipografia, a Bulsan. Da rì a pensé che ani do sons nce ie ruvà te Gherdëina.

De plu tla edizion stampeda de La Usc di Ladins o sun l e-paper a paiament www.lausc.it/e-paper