Michaela Spisakova: Iö sun Mischa, i sun nasciüda tla Slovachia y i sun rovada tla Val Badia che i â 12 agn. I sun chersciüda sö a Al Plan, olache i á ince fat la scora mesana y spo sunsi tres stada chiló. I á fat la scora de hotelaria a Bornech y insciö ái metü man da lauré tla gastronomia.
T’es gnüda da jona tla Val Badia y i aldi che te baies n bel ladin...
Iö diji che sce an á la orenté, spo imparon pa bëgn saurí. Chi che n’ó nia, ne l’impara mai.
Tla gastronomia este ince jüda inant y da püch aste surantut la gestiun dl Bar Val, un di bars tradizionai da San Martin de Tor, che foss zënza bonamënter gnü stlüt. Ci t’á pa sburlé da fá le vare?
I á lauré bele te tröc posć y i orô tres avëi val’ de mi, fá val’ por me instëssa. Al é mi hobby, al é mia pasciun, al é val’ che i levi da doman y diji: wow, chësc me sá bel, por chësc levi ion.
Deplù te la edizion dl 10 de má.
