Pra la prima lingia de tests de anticorps che ie unii fac tl Adler Balance de Urtijëi dal team dl dutor Simon Kostner fòvel unit ora che l 49% dla populazion de Urtijëi fova resultà positif ai anticorps contra l coronavirus.
Na proa danter caranta ulenteres
Ntant iel unì fat na segonda lingia de tests de anticorps a Urtijëi, pra n valgun ulenteres de Urtijëi, 40 persones, aldò dla funtana de La Usc di Ladins. I tests ie unii mandei a doi labores oradecà, ndependënc un dal auter. Na cumpëida nia massa granda, ma mpo granda assé per avëi nce na valuta statistica y na valuta de facto. L se tratova de na sort de proa dl 9, nsciuma, almanco tla finamira de chiche à metù a jì l test ncrujà.
L medemo resultat
Unit ora iel che l resultat de chësc segondo test ie propi medemo sciche l prim che fova unì fat tl Adler Balance dla Familia Sanoner da Mauriz: ades i mec pra l prim test, ades i mec di testei pra l segondo test, nscila la cumpëida de positifs ai anticorps contra l coronavirus, pra la populazion de Urtijëi.
I dac de Urtijëi
L se trata de na nutizia nteressanta, che lascia bën speré. Ma l ie tlo da mëter a verda: chësc test ncrujà ne n’à mo nia na valuta de n studi scientifich-statistich. Ma n possa bele danora dì che i resultac de Urtijëi ie dac che n tulerà zënzauter n cuscidrazion sce l unissa, te Südtirol, fat n test scientifich-statistich plu lerch. Danz che l fossa bel sce l unissa tosc a s’l dé.
Deplù tla edizion stampeda di 8 de mei.
David Lardschneider
FOTO: L dutor Simon Kostner.
Urtijëi y l test ncrujà per i anticorps: medemi resultac
Galaria retrac
View the embedded image gallery online at:
https://www.lausc.it/valedes-ladines/gherdeina/12562-urtijei-y-l-test-ncruja-per-i-anticorps-medemi-resultac#sigProId0f3dd2555c
https://www.lausc.it/valedes-ladines/gherdeina/12562-urtijei-y-l-test-ncruja-per-i-anticorps-medemi-resultac#sigProId0f3dd2555c