La Usc di Ladins

Per la legrëza di cincanta y passa cumëmbri prejënc tla Pitla Sala de Chemun de Sëlva ie dui cater i am­bolc dla valeda unic ala senteda generela, coche nce truep reprejen­tanc dla istituzions dl turism y dl sport. Scumencià àn la generela cun n menut de lecort per l cumëmber Othmar Prinoth. 
Ël ie stat truep ani alalongia a cë dl prim aiut sun purtoi ntan la garejedes de Copa dl Mond y ie unì a mancë propi ntan l’ena dla garejedes dl ann passà.

Daldò à l presidënt Rainer Seno­ner purtà dant si relazion anuela y finan­ziera. »Jon inant cun snait ti proscims ani, ani che sarà plëns de ativiteies y ulache la urganisazion crescerà y se sviluperà dassënn«, à dit Senoner te si bilanz dl ultim ann y sentì gra a duc i cunlauradëures, cumëmbri y istituzions.

Per l Saslong Classic Club, Alexia Demez

L articul tla edizion atuela de La Usc di Ladins.