La Usc di Ladins

»Scinché na popa ie mpue coche ti scinché a zachei na bona cumpania. A na popa pòssen ti cunté dut y n sà che la ie bona de tenì l sucrët«, me dij Judith Sotriffer, te si berstot tl zënter de Urtijëi, dan ai uedli curiëusc dla popes de lën, che nes scota su bel valëntes – vel’una cun n guant da balarina, d’autres furnides cun la troht y mo d’autres mé de lën, nscila coche n les cunësc bele dai ani te nosta valeda.

Bele da carant’ani incà fej Judith chësta popes dala Gherdëina, avisa coche n les fajova nce zacan, canche tan che te uni familia fòvel zachei che ziplova. La popes univa y vën fates de zirm, turnedes, metudes adum y pona depëntes, dut a man. La lesures ie fates a na maniera, che les posse muever sibe i braces, che la giames. Ora per l mond ieles cunesciudes coche »dutch dolls«, ma perdrët ieles’a bën ladines y no olandejes. 

Elisabeth Kostner

L articul tla edizion atuela de La Usc di Ladins.