La Usc di Ladins

Christine Runggaldier à fat pea pra na scumenciadiva de Bulsan, la Bolzano Art Weeks, ulache n vëija de plu opres d’ert tla zità. Chi che possa mëter ora chier ora na giuria do che n à fat n cuncors. Chëst ann àn cris ora cinch de cënt. Una de chësta persones ie Christine Runggaldier.

Dai 3 ai 12 de utober ie Bulsan stata plëina de ert, coche de performance o d’autri evënc relevanc al’ert. L fin de chësta scumenciadiva ie che n possa scuvierjer lueges a Bulsan che n ne cunësc nia tan bën, coche Bulsan sud o est. La tematica de chësta enes d’ert ie »remapping landmarks«, che uel dì tan che ti dé na luegia nueva o n valor nuef ai monumënc che l ie bele. Dantaldut, y nscila nes à cuntà Runggaldier, fova la tematica nce de abiné inò l drë’ balanz danter cultura y natura y de ti dé plu valënza ala cunvivënza cun de plu formes de vita.