Al vëgn desmandré lëgns danter Longega y Picolin: strada stlüta
Chësta fin dl’edema ai 18 y 19 d’otober vëgnel indô desmandré lëgns do la strada dla Val Badia. Le toch danter Longega y Picolin é stlüt al trafich
Sciöche al é bele sté ti agn passá, vëgnel ince en chësc ann indô taié y desmandré lëgns dal chefer do la strada dla Val Badia. Por podëi fá i laurs cun pesc y en segurté, vëgnel porchël stlüt la strada danter Longega y Picolin – dal km 10 al km 13,5, dala sabeda ai 18 d’otober dales 8:00 cina ala domënia ai 19 d’otober dales 18:00. I mesi sot a 3,5 tonelades pó passé söla strada tres Rina y Antermëia; por i mesi sura 3,5 tonelades n’él preodü degüna deviaziun. (pablo)
Galaria retrac
View the embedded image gallery online at:
https://www.lausc.it/valedes-ladines/val-badia/30520-al-vegn-desmandre-legns-danter-longega-y-picolin-strada-stlueta#sigProId5b7a2412ed
https://www.lausc.it/valedes-ladines/val-badia/30520-al-vegn-desmandre-legns-danter-longega-y-picolin-strada-stlueta#sigProId5b7a2412ed
