La Usc di Ladins

Rua n auter pont per l Fascia Balon, de gra al resultat de parità arjont a Ronzone contra l’Alta Anaunia. Ti prumes menuc l é i bec de mister Capovilla che tegn l balon e i proa a ge far cruziar la defendura noneja. Envers la metà del prum temp rua la pruma ocajion fasciana, con Davide De Pellegrini che co na trata de ciaf l brinca l remenat a dreta del portier de ciasa. Pech do rua la più gran ocajion per i ladins, Michele Petrone del Pat vegn petà via par jabas te area de rigor, l diretor de la endefisda ge dasc ai ladins la trata de rigor, ma Sebastiano Rasom de Gotart no l é bon de la mudar en gol ajache l fala dai 11 metres.


Se pel lejer dut, coi resultac de la squadres mendres e la classifica, su La Usc nr 39 dai 10 de otober, che se pel troèr ence te la boteighes de sfoes. Sul sit www.lausc.it se per fèr l abonament al e-paper per aer azes vigni vender a dut l sfoi sul fonin, tablet o computer.  (Pierpaolo Rasom)