La Usc di Ladins

Sport
10.10.
HC Gherdëina II vs. HC Trento (IHL Divijion I)
L HC Gherdëina nvieia ala partida contra l HC Trento, ai 10.10. dala 20:30 tl stadio Pranives te Sëlva.
11.10.
Enrosadira Trail
En doman sabeda ai 11 d’oto­ber vëgnel tigní la ediziun 0 dl »Enrosadira Trail«. Ara se trata de na gara da salté sö por munt, che pëia ia dales 7 da doman da La Val, por passé fora por düc i paisc dl’Alta Ba­dia. Incö ai 10 d’oto­ber da­les 18:00 é düc inviá ala pre­­­­sentaziun dla gara, te salf dles manife­staziuns da La Val.
11.10.
HC Gherdëina vs. Red Bull Hockey Juniors
Tl stadio Pranives de Sëlva saràl ai 11 de utober dala 19:30 la partida dl campiunat AHL (Alps Hockey League) danter l HC Gherdëina y i Red Bull Hockey Juniors.
16.10.
HC Gherdëina vs. HC Asiago
Tl stadio Pranives de Sëlva saràl ai 16 de utober dala 20:30 la partida dl campiunat AHL (Alps Hockey League) danter l HC Gherdëina y l HC Asiago.

Leteratura
24.10.
Letura y depënc
La manifestazion culturela cun Nadia y Klaus Rungger sarà n vënerdi ai 24 de utober dala 19:00 tla biblioteca a Tramin. Do na letura jiràla inant cun la vernissage tla cësa Menapace pra l Chemun. Tres la sëira mëina Adina Guarnieri.

Mostres y Ert
Atualmenter
Mostra a Nomi de Adolf Vallazza
Dai 27 de setember ai 30 de otober al Granaio de Nomi se pel veder la mostra ‘Arca­ismi’ de Adolf Vallazza con oraries: da mercol a sabeda da les 16:00 a les 19:00. Inau­gurazion con l artist en sabeda ai 27 da les 17:30.
Atualmënter
Upcycling Music
Tl Museum Ladin Ciastel de Tor a San Martin él da odëi cina ai 2 de no­vëmber la mostra »Up­cycling Music«, de y cun le percuscionist Max Castlunger, che mët fora sü stromënc reziclá.
Atualmenter
Matthias Sieff en mostra a Roveredo
Dai 4 ai 26 de otober a la Ma­nifattura Tabacchi de Ro­veredo se pel veder la mostra ‘Incontrarti’ con la operes del artist fascian Matthias Sieff. Inaugurazion ai 4 de otober da les 18:00. Oraries: dal mèrtesc al vender h. 17:00-20:00, sabeda e domenia h. 10:00-12:00/17:00-20:00.
Atualmënter
Christine Runggaldier a Bolzano Art Weeks
N ucajion dl festival d’ert a Bul­san à Christina Rung­galdier realisà na nstalazion aposta, che sarà da udëi tla via privata Dodiciville 12/B dai 3 nchin ai 10 de utober. La prejentazion de si pruiet sarà ai 8 de utober dala 18.00. Orars de giaurida: dal lunesc nchin juebia, 08:00 – 12:30 y 14.00 – 18.00 y de vënderdi dala 08:00 – 12:30.
Atualmënter
»Please, could you stop the noise?«
Tl Tublà da Nives ie metuda ora la mostra de Maurizio Ciancia, che resterà da udëi nchin ai 12 d’utober, uni di ora dl lunesc dala 16:00 nchin la 19:00.
18.10.
»Odlada« te Ciasa de palsa
En sabeda ai 18 d’otober dales 16:15 él tl »Barjënt« dla Ciasa de palsa a San Martin la dau­rida dla mostra de fotografies »Odlada.Blick.Sguardo«, cun retrac de Elias Frontull y espo­siziun de de sües rimes.

Religion
11.10.
Festa de rengraziamënt
Ai 11 de utober dala 15:00 ie mutons:ans cun genitores o nëinesc nviei a unì tla Gran Sala de Calonia a Urtijëi, ulache l unirà liet dant stories dla vita de San Franzësch. Daldò puderàn depënjer na peza da suië i taieresc y sté deberieda pra na pitla ma­rënda. Cost: 12 €. Davia che i posć ie limitei vëniel prià bel de se nuté su nchin ai 7.10. sot al numer 347 1117484 (WhatsApp).

Referac
16.10.
Savëi y sëures
L Istitut Ladin Micurá de Rü nvieia de cuer ala prejentazion di films curc »Savëi y sëures« ai 16 de utober dala 18:00 sun l Luech da Paratoni a S.Cri­stina. Prëibel se nuté su pra l Istitut al numer 0474/ 523110 o mandé na e-mail a erna@micura.it
10.10.
Adurvé sciche l toca mascins a lectrisc a cësa
L KVW Urtijëi mët a jì na sëira de nfurmazion y desmu­strazion pratica sun co adurvé sciche l toca mascins y aparac a lectrisc a cësa, n vënderdi ai 10 de utober dala 20:00 tl self dla Calonia a Urtijëi.
15.10.
Prejëntazion pauses »easy«
N mierculdi ai 15 de utober dala 20:00 prejënta Petra Rehbichler si liber nuef da cujiné »Easy Pausen–Snacks für Schule, Büro und Freizeit«, tla biblioteca Oswald von Wolkenstein te Sëlva.
17.10.
Prejentazion dl liber: L itiosaur de Secëda
N vënderdi ai 17 de utober dala 15:00 uniràl prejentà l liber »L itiosaur de Secëda« tla biblioteca Tresl Gruber a S. Cristina. Daldò saràl n lau­ratuere per mutons y mu­tans dai 8-13 ani. N possa se nuté su cherdan su l 0471 790 016.
18.10.
Ciodí che i »no« ó ester por la chersciüda
En sabeda ai 18 d’otober dales 19:30 él tl gran salf dl Istitut Ladin a San Martin le referat »Ho detto no e poi no!!!«, ola­che al vëgn splighé ciodí che i »no« vá debojëgn por na cher­sciüda sana. Referënta é la dra. Giuliana Franchini. Organisaziun: Consëi de for­maziun da San Martin de Tor.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de refe­rimënt é Hubert (tel. 339 1698343) y Methilde (tel. 335 6977604).
Atualmenter
Portel de scout mediazion familia
L Comun General de Fascia con ALFID Onlus à avert n portel de scout, orientament e mediazion familiara per la relazions te cèsa. L é avert a duc e debant a Sèn Jan te Stra­da di Pré de Lejia 12 su apuntament tras l secretariat ALFID (0461 235008 – 375 8366271) duc i dis con orarie 8:30-12:30 e 14:00-18:00 o teras mail a sportellocgf.alfid@gmail.com.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
16/20.10.
La sanità de la eles
I Assessorac del Comun de Sèn Jan met dant na lingia de scontrèdes su la sanità de la eles: bonstèr e prevenzion, te sala de Comun a Poza da les 20:30: en jebia ai 16 de otober »Prevenzione ginecolo­gica: la menopausa« col dr Gian­luca Marcomin; en lu­nesc ai 20 »Benessere della donna in perimenopausa–Terapia nutrizionala e ormonala« con la dr.a Monica Costantini.
10. – 17.11.
La Ila: Nadé tla scatora dai cialzá
Ince chësc ann vëgnel metü a jí l’aziun »Nadé tla scatora dai cialzá«, por ti porté n pü’ de ligrëza a mituns y mitans de paisc manco fortuná. Tla Val Badia pón dé jö i poc dai 10 ai 17 de novëmber a La Ila, pro Alma Flatscher (Garni Ambria), tel. 333 6769105.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
14.10.
Sport Ladin
Dales 20:50 ca. Test y regia Diego Clara, produziun Zak, a cura de Leo Senoner.
15.10.
Trail Spezial
Dales 20:50 ca. A cura dla redaziun ladina.
16.10.
Arpejuns: la dlijia de Selva y la capela de Val
Dales 20:50 ca. Test y regia Giulia Tasser, produziun Karbon­video, a cura de Ales­sandro Dapunt.

Radio
10.10.
Da 16 ani incà TG Ladin cun Egon Vinatzer
Filmac, reportajes, nfurma­zion y atualità dala valedes ladines vëijen da 16 ani incà nce sun na televijion privata, sun Trentino TV y Alto Adige TV. La idea, cuordinazion y produzion vën fat da scumen­ciamënt inca da Egon Vinatzer de Urtijëi. Ël nes conta de coche l ova dat vita a chësc me­dium nuef, dla ndesfidedes y de vel’nuvità per l daunì. Tras­miscion de Stefano Zanotti.
12.10.
L verdiaciacia Simon Demetz ie jit n pension
Fé ora de n hobby n mestier, chël ie zeche che trueps se mbincëssa. Simon Demetz de Urtijëi ie do 25 ani de lëur sciche verdiaciacia te Gher­dëina jit n pension. Dant iel stat ani alalongia atlet dla scuadra taliana de biathlon vencian nce na bedaia mun­diela. Trasmiscion de Simon Moroder.

Temp Lede
Atualmënter
Culinarium Urtijëi
Na esperienza culinaria y ga­stronomica patriculera uniràl a s’l dé te de plu restau­ranc de Urtijëi, nchin ai 12 de utober. La strutures che fej pea ie: Restaurant Gen­ziana, Costamula Restaurant, Stua Catores, Anna Stuben, Ustaria Da Checco, Restau­rant Mont Sëuc, Restaurant Tubladel, 4 Sajons Restaurant, Stube Vives, Café Restaurant Val d‘Anna, Restaurant Pizze­ria Lamm y Ustaria Traube.
11. y 12.10.
L FAI fèsc cognoscer Forn, Medil e Valsorda
Ai 11 e 12 de otober l é la gior­­nèdes del FAI da d’uton. En sabeda ai 11 vegn fat na vijita a L Forn inantmesdì da les 10:00 e domesdì da les 14:30 e domenia ai 12 da les 9:30 escurscion a Valsorda e da les 14:00 se va a veder Medil.
17. y 18.10
Simposie Top Wine
En vender ai 17 e en domenia ai 18 de otober la SITC e la So­ciazion Sommelier de Fa­scia e Fiem endreza sun Sas Pordoi l Simposie Top Wine 2950. En vender l é la master­class col sommelier Roberto Anesi e en domenia da les 10:00 a les 17:00 se pel tor pèrt al event enogastrono­mich più aut de la Tèlia.
18.10.
Decurazions per l autonn
Tla biblioteca Oswald von Wolkenstein te Sëlva vëniel metù a jì n domesdì de pastel­né per granc cun Erika Pit­scheider, n sada ai 18 de utober dala 14:30 inant. Nfurmazions y iscrizions tla biblioteca de Sëlva, 0471 772181.
19.11.
Batadù da 64
La grupa »Artejans n Pension« nvieia al batadù da 64, n sada ai 25 de utober dala 14:00 inant tla gran sala de Chemun a S. Cristina. N puderà se scrì ite n chël di dala 13:00 inant cherdan sun Giuliano al 333 4826730 (Iscrizion: 20€). L ne mancerà nia velch da maië y da bever y n puderà vëncer de biei pesć.
24.10.
Prejentazion liber ‘Hände auf Tirol’
En vender ai 24 de otober da les 20:30 a La Gran Ciasa a Soraga i Shizeres de Fasha endreza la prejentazion del liber ‘Hände auf Tirol’ de e con l autor Giuseppe Matuella.
25.10.
Rassegna Cor Valfassa
L Cor Valfassa endreza la 20^ ras­segna di cores da mont ‘Ciantèr sa mont’ en sabeda ai 25 de otober da les 20:30 te gejia del Sacro Cher de Cia­nacei con i cores Coro Lau­damus e Coro Castel Penede.

Dotours
Dutor Gherdëina
L dutor de servisc da n sada ai 11.10. dala 08:00 daduman nchin la 08:00 daduman de n lunesc ai 13.10. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Le dotur en sorvisc ti cin’ comuns dla Val Badia, tla fin dl’edema di 11 y 12 de otober, é le dotur Guido Caretta, Calfosch, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 10.10. nchin n vënderdi ai 17.10. ie chëla de S. Cristina, tel. 0471/ 792106 o 333/1776615 (orar de giaurida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 10 d’otober dales 19:00 al vëndres ai 17 de otober ales 19:00, é chëra da Corvara, tel. 0471 830237.

Avisc
Atualmenter
Picol marcià del Ski Team Fascia
Fin ai 24 de otober da les 15:30 a les 18:00 te senta del Ski Team Fascia te piaz Sèn Nicolò a Poza l é a la leta n picol marcià de la sociazion sportiva con colec da vent, braes da schi, tutes da gara, elmec e auter. L é avert ence ai no sozi.
Atualmenter
Jon a pe… Vegneto?
Jir a pe fasc ben, fat de seghit l val l dopie e ensema l é ence gustegol, per chest l Comun de Sèn Jan à endrezà na bela scomenzadiva: se se troa vigni mercol da le 9 dadoman ló dal festil del Parch di jeghes de Poza per far n troi sorì che pel far duc, compagné da n volontadif. Basta se tor do ciuzè sorii, mingol de aga e la voa de star ben.
11.10.
Marcià Bio
La Lia per Natura y Usanzes nvieia al Marcià bio n sada ai 11 de utober dala 9:00 inant, sun pitla plaza de Sant Antone a Urtijëi. L unirà nce crazà craut y pratà castanies.
11.10.
Frabiché cun lën
N ucajion dl Marcià Bio sun pitla plaza de Sant Antone a Urtijëi, mët la Lia per Natura y Usanzes su n stond de nfur­mazions n con’ di frabicac de lën. I njenieres y esperc Lo­renzo Panizzon, Ing. Michael Stauder dla IDM y Lukas Stuffer dajerà nfurmazions n chësc cont. Duc ie nviei de cuer a se nuzé de chësta ucajion.
12.10.
Ciampedel festeja sia gejia
En domenia ai 12 de otober la comunanza de Ciampedel fèsc festa per recordar la storia de la gejia di Sènc Filip e Giacum. Da les 10:00 pea via la procescion da Piaz Veie fin sun gejia olache vegn dit messa grana. Do messa vegn recordà i elemenc storics e artistics del frabicat e dapò sarà n mez­mesdì compagnà da la Musega Auta Fascia.

Cursc
Atualmënter
Balé cun mujiga da dut l mond a Urtijëi
L KVW Urtijëi nvieia a chësc curs cun la referënta Gabriella Senoner. N se anconta l prim iede ai 30 de setëmber dala 17:00 tla Sala de Calonia. L curs jirà inant mo 9 iedesc, for de merdi dala medema ëura. Per nfurmazions y per se scrì ite: Gabriella Senoner, 329 0694818.
13.10.
Curs de ladin online per chëi che scumëncia
L curs metù a jì dala Union di Ladins de Gherdëina cun la referënta Marion Peratho­ner, unirà a se l dé de ndut 7 iedesc, for de lunesc dala 20:00: 13.10, 20.10, 03.11, 10.11, 17.11, 24.11, 01.12. N muessa avei l prugram »TE­AMS«. Per plu nfurmazions y per se nuté su: 0471 796870 o scrì a info@ulg.it.
14.10.
Curs de chitara
L curs de chitara per granc che scumëncia unirà metù a jì for de merdi, dai 14.10. nchin ai 16.12. dala 09:30–10:30 tla Scola de Mujiga a Urtijëi. Referënt: Otto Della­go, pra chël che n possa nce se scrì ite al 338/4693944.
16.10.
Gherlandes da d’altonn
Na gherlanda pó abelí la porta de ciasa o na fossa te cortina por Gnissant. En jöbia ai 16 d’otober dales 16:00 ales 18:00 él te salf dla cörta a Badia n curs por imparé a fá gherlan­des, cun material che an ciafa tla natöra. Le material vëgn metü a desposiziun. An pó scemai se tó do val’ decoraziun che an ess ion. Iscriziuns anter i 13 d’otober al 388 3871597.
17.10.
Cujiné zënza zücher y gluten
En vëndres ai 17 d’otober dales 8:30 ales 12:00 él tla Ciasa Tita Alton a Calfosch n curs por imparé da cujiné spëises de Südtirol zënza zücher y gluten. Referënta é Valentina Moling. Informa­ziuns y iscriziuns pro Elfriede al 349 5288629.
18.10.
Fajun n tambüre cun Max Castlunger
En sabeda ai 18 d’otober dales 10:30 ales 12:00 él tl Museum Ladin a San Martin n work­shop por mituns y mitans 
da 8 agn insö, che podará se fá so tambüre reziclé, cun l’aiüt de Max Castlunger. Chësc gnará adoré te deplü jüc rit­mics. Cost: 5,00€ a ce. S’anun­­zié a prenotaziuns@museumladin.it o al 0474 524020.

Iadi y Jites
18.10.
Jita cun Törggelen
La Lia da Mont Gherdëina mët a jì chësta jita ai 18.10. N furnerà cun la curiera nchin a Antermoia y da ilò jiràn nchin a Rina, ulache n maierà zeche ora de flucion, per jì pona nchin a Onies/Onach a Törggelen, ulache l sunerà nce na grupa de mujiga. Infos y iscrizions (28€ per scric ite): dai 13 - 16 de utober per whats­­­­app da Monica 339 6563015 (scrijan l inuem y ulache n sënta su)

Segres y Festes
12.10.
Segra Sacun
La segra tradiziunela sa Sacun sarà n dumënia ai 12 de uto­ber. La Santa Mëssa sarà dala 09:00 tla dlieja da Sacun y daldò jiràla inant cun festa, mujiga y sambën nce da maië y da bever.
13.10.
Marcià de Segra Sacun
L marcià tradiziunel de Segra Sacun sarà n lunesc, ai 13.10. dala 8:00 inant tres dut l raion da jì a pe y sun la plazes de Urtijëi. L sarà nce de plu lies che pieta da maië y da bever per se tré ite velch.

Chino
Atualmenter
Al chino de Cianacei
Ponta via la programazion de la sociazion Kino. Doman, sabeda ai 11 de otober da les 20:30 vegn moscià »The Conjuring-Il rito finale«, en domenia ai 12 da les 17:00 »Troppo cattivi 2«, en mèrtesc ai 14 da les 19:00 »Esprimi un desiderio«. En jebia ai 16 da les 20:00 l é »GioKino« jeghes da desch, en vender ai 17 da les 20:30 l film »La voce di Hind Rajab«.
Atualmenter
Al chino de Tieser
Insnet, vender ai 10 de otober e sabeda ai 11 da les 21:15 en 3D e domenia ai 12 da les 20:30 en 2D l é »Tron:Ares«, en jebia ai 16 per la rassegna ‘Il piacere del cinema’ l é »Come ti muovi sbagli«. Info su www.cinematesero.com