La Usc di Ladins

Dut l é peà via da na idea de la professora Agatha Brunel, che jà tel an de scola 2023/2024 l'à portà inant coi studenc del ultim an di Licees linguistich e scientifich n lurier su l'Ajenda 2030 per l svilup sostegnibol, n pian de azion sotescrit da 193 Paijes de l’ONU che met dant 17 obietives che i aessa volù arjonjer per chela data. Ai studenc ge é stat proponet de cerner 17 personajes, un per vigni obietif, e enjignèr sia storia per i fèr cognoscer travers n libret dut per ladin.
Vegnù fora col titol »Sentadins del Mond. Codejel de l'Ajenda ONU 2030« chest libret l é n lurier emportant per fèr cognoscer tel medemo temp azions, persones e ence l lengaz de noscia val, e l é stat valorisà amò de più dai bie dessegnes de Giorgia Iori, na studenta fascèna del Liceo Artistich Feguratif, e che l é stat realisà dal OLFED con l coordenament de la dozenta Doris Fosco e l sostegn finanzièl de l'Union di Ladins de Fascia.

Se pel lejer dut su La Usc nr 48 dai 12 de dezember, che se pel troèr ence te la boteighes de sfoes. Sul sit se per fèr l abonament al e-paper per aer azes vigni vender a dut l sfoi sul fonin, tablet o computer.



 (Lucia Gross)