N mierculdi dl’ena passeda iel stat senteda dl Cunsëi de Chemun de Urtijëi. Do che i prims ponc ie unic dac pro zënza de gran discuscions, ne n’àla pra la apruvazion dl plann dl tlima nia ulù vester. I cunselieres dl SVP ie levei su y se n ie jic ora de sala
L ie stat na senteda de Cunsëi cun na fin che n ne se ëssa nia aspità. Ntan che la cunseliera Heidi Stuffer dla Lista Unica rujenova dl pont cater al orden dl di, pont che revardova l plann dl tlima dl Chemun de Urtijëi, ie duc i cunselieres prejënc dl partit dl SVP levei su y se n ie jic ora de sala. Davia che l ne fova nia plu assé cunselieres sentei pra mëisa, ne pudova l Cunsëi nia plu tò dezijions y n à messù stlù ju la senteda mo dan avëi rujenà de duc i ponc al orden dl di.
Ma jon damprovia. Dl prim iel ai 10 de juni ntan la senteda de Cunsëi unì dat pro cun duc i cunselieres a una la mudazions al plann strategich y al bilanz preventif 2026-2028, y pona nce mo l prugram de svilup cumenel. L se trata de n documënt strategich mpurtant, de chël che repurteron plu avisa l’ena che vën.
Elisabeth Kostner
Dut l articul pudëis liejer tla edizion nueva de La Usc che vën ora n vënderdi ai 19 de juni.
