La Usc di Ladins

Bele de jügn dl 2021 é le Comun de Corvara pié ia cun cun sorvisc de mobilité nü, le "Corvara–Calfosch Express", n bus che coliëia tratan l’isté i dui paisc y ince i posć plü da na pert di paisc, portan pro da alisiré les strades dal trafich privat. Cun chësc isté él tl’Alta Badia döes d’atres novités de mobilité: ai 15 de jügn é pié ia le "La Val Express", ai 29 jará spo en funziun le "Badia–La Ila Express". Intrami i sorvisc é gnüs metüs en pe dala Cooperativa Turistica Alta Badia en colaboraziun cun i comuns y le suport dla Provinzia de Balsan, y jará tratan i mëisc da d’isté. Plü avisa 6 iadi al de, trëi iadi danmisdé, trëi iadi domisdé, pian ia le pröm iade dales 8:30 y l’ultim dales 16:30.

Deplü podëise lí t’La Usc di 19 de jügn  (pablo)