La Usc di Ladins

I zizclisć pel jir ades con maor segureza sui jouves de Sela e Pordoi. Chisc dis passé l é stat endrezà doi neva corsies dedichèdes a la rodes sun doi anter i jouves più trafiché tant da man di escurscionisć che vel ruèr te la uties che da man di ziclisć. Ence da la man del Trentin donca ades l é stat dessegnà la neva ‘bike line’. La pruma ponta via da la rodadoa de Cianacei olache l é l monument del Giro de la Tèlia e la va su, très na linia rissèda, fegures de la roda e frizes de direzion, per 11,8 chilometres fin jul jouf de Pordoi. La seconda enveze, chela envers l jouf de Sela taca ite sul 14° torniché per jir su fin a la fin del ert, do 5,5 chilometres.

Podede lejer dut su La Usc stampèda dai 12 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (MCI)