La Usc di Ladins

Enstadì al Kino de Cianacei l é ruà Giacomo Panozzo, joen da Pardac clas 2000, che à fat l liceo scientifich a la Scola Ladina de Fascia. Fazile de n muie i lo recordarà per l gran numer de spetacoi teatrèi a chi che l à tout pèrt canche l era student, desche ator o adertura desche protagonist: L Prum Nadèl, Sèn Franzesch e ence Cendrejina. Do la scola l se à scrit ite al cors de Storia a l’Università de Pèdua e ti ultimes egn l à arjont gran nonzech de gra ai video divulgatives che conta di evenc del passà, a na vida gustegola e fora de anter.

Endèna l event al Kino Mattia Valentini Soricia l l à intervistà: da sia paroles, l é vegnù fora costions enteressantes, che ne dèsc l met de vardèr con ‘eies del passà’ nesc tempes de crisa e de situazions deldut engatièdes. Te la bela sera de ciacoles, Panozzo l à portà dant so liber nef dal titol »Perché succederà ieri?«.

Podede lejer dut su La Usc stampèda dai 12 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)



 (Thomas Zulian)