La Usc di Ladins

Ence chest an de scola l é beleche fenì e, a vardar a chel che se à fat, se pel dir che per i bec de la Scola de Vich e per si maestres l é stat n percors pien de esperienze de valuta, emozion e neve cognoscenze. Fora per l an i bec se à dat ju te lurieres e projec: dal percors ‘Plastic free’ a soe lezion de yoga, fin a le scontrade con la jent de età de la Ciasa de Paussa. Esperienze desferente, ma dute con n medemo zil: far crescer l respet dant de dut per se enstesc, do per i autres e per l ambient che aon dintornvia.

L projet co la Ciasa de Paussa l é stat chel che più à tocià i bec. Tras l contat co le generazion più veie, i à podù se arvejinar a la cultura de n’outa, l é sutà fora valch curiosità e momenc delicac. Aboncont se à vedù che tras l rejonar i bec é stac bogn de se relazionar ence co la jent de età. Dessema i à lurà, i à metù dant atività, i se à svampolà fora e ence i ghesć de la Ciasa de Paussa se à godù. Ma chel che i à ciapà de outa l é stat dassen prezious: contie da zacan, amor, ensegnamenc e recorc che i bec portarà te si pensieres per n muie de temp. Chesta l é stat n’esperienza dalbon forta, che à lascià l segn.

Podede lejer dut su La Usc stampèda dai 12 de jugn da ciapèr te la boteighes de sfoes de la valèdes ladines o tras abonament (info:www.lausc.it/abo o abo e-paper)


 (Maestra Mariapaola)