La Usc di Ladins

Al é sté dër n bel invern, cun tröp sorëdl y na bela nëi. Do da n ann de palsa á la jënt indô podü pié ia cun i schi, se gode de bi dis sön pista y jí a se mangé na buna marëna te ütia. Le mëteman ne é nia sté saurí, an ne savô nia ci se aspeté, tan de jënt che al foss rové adalerch, sce an ess bëgn podü porté a piz la sajun. Plü ri él sté por les üties da munt da se organisé, sides cun le personal co cun les boandes y la mangiaria te magazin. Mo tlafinada éra garatada y cina ai 10 de aurí restará gran pert di lifc ciamó daverc.

L'intervista ala patrona dla ütia »I Tablá«, Michaela Irsara, podëise lí tla ediziun stampada d'La Usc che vëgn fora indoman, vëndres ai 1. de aurí.   (kp)