La Usc di Ladins

Gustl, te Mareo s’arjignon indô ala Edema dla Sanité, che röia iniann ala 19ejima ediziun. Tan vá pa la jënt ciamó a referat?
Iö pó dí che organisé l’Edema dla Sanité dá sodesfaziuns. Bonamënter deache ara nen vá de sanité, n tema che reverda püch o tröp vignöna y vignun de nos. Sambëgn che al é spo referac che tira alerch plü jënt co d’atri, mo chël depënn sambëgn da plü faturs. Da canche l’Edema dla Sanité vëgn organisada a livel de comun, ál dé do dassënn le numer de porsones che tol pert a düc i referac.

Tratan la pandemia á plü uniuns sperimenté i referac online o ince online. É pa chësta na opziun por l’Edema dla Sanité, o reston impó plü ion "en

• Gustl Kaneider, da impröma incá coordinadú dl’Edema dla Sanité. (© privat)
•  

View the embedded image gallery online at:
https://www.lausc.it/valedes-ladines/val-badia/21586-te-mareo-baion-indo-de-sanite#sigProId87f53d943b

presënza"?
Chisc ultims dui agn án podü fá n gröm de esperiënzes tl monn online y de valch pón dí che ares é stades ince valgamia positives. Lauré a ciasa, formaziun online y ince i cursc y i referac online. I mëssi dí che i s’un ince fat chisc pinsiers por l’Edema dla Sanité, mo por plü rajuns n’éra nia gnüda a s’al dé, o nia ciamó. Sëgn che döt vá indô cun püces y degünes restriziuns, arati che i ne cambiunse nia tan atira val’, almanco de chësc vers.

Le Consëi de Formaziun d’Al Plan s’á metü sciöche tema dl ann chël dl’ega, y al dá al edl che intrami i referac d’Al Plan baia de chël. Ciodí pa y te ci se desfarenziëiai pa?
Avisa, le Consëi de Formaziun d’Al Plan s’á metü iniann desco tema l’ega y ia por döt l’ann él gnü metü a jí referac, manifestaziuns y spazirades sot a chësc tema. Al Plan á bele chisc ultims agn n pü’ sintí che l’ega n’é nia n bëgn ilimité. Y ince a livel provinzial y nazional unse sintí iniann la mancianza d’ega, dantadöt d’isté te chë perioda de sëciora. Ajache al ê iniann chësc tema dl’ega, m’ái ponsé da fá ince i dui referac d’Al Plan sot a chësc tema. Chël dl lönesc cun le dr. Gruber trata l’ega desco medejina y chël dla jöbia cun le dr. Marcocci trata l’ega te nosc corp.

 (Intervista: Pablo Palfrader)