La Usc di Ladins

Le de ê frëit, mo le cil ê sarëgn, can­che i socoridus de dötes les sta­ziuns dla Val Badia se metô sön tru devers de La Val, por tó pert a na gran proa che dô gní desfirada söi ërc de Pares. La delegaziun dl CNSAS, le sorvisc de socurs da munt dla provinzia de Balsan, fi­nanziëia vigni ann intan de menüc de jore cun le joler de salvamënt, por che les staziuns pois se eserzité ince cun l’aiüt de chësc meso. En sabeda ai 24 de ma á la staziun da La Val albü la bela ocajiun da mëte a jí na gran proa, a chëra che al é gnü invié dötes les scuadres dl CNSAS/Aiüt Alpin dla Val Badia – Alta Badia, La Val, San Martin y Mareo – por cherié n spirit de scuadra y avëi la ocajiun da lauré ince deboriada cun les atres staziuns dla valada. Indöt él rové adöm na bela schira de 42 socoridus. Por l’evënt ân albü a desposiziun le joler dl Aiüt Alpin Dolomites.

Deplü sön chësta proa, nes cunta Karin Pizzinini t’La Usc di Ladins di 30 de ma