La Usc di Ladins

Ai 23 de mé Cianacei à serà su la maratona di Consees de Comun chiamé ite te Fascia duta la setemèna per l insediament del ombolt. A la conferma de Giovanni Bernard, enceben che l sie stat sostegnù da doi terc di sentadins, à tout pèrt pecia persones, perauter penalisèdes da na acustica dassen zompa che i aministradores à emprometù de miorèr te curt temp. Ret dal conseier de età Luigi Dantone, l Consei à convalidà la nomines e dapò Bernard à jurà zenza gran zerimonies, per dapò passèr sobito a sie program e ai obietives de goern, che é stac aproé ence dai conseieres de mendranza.
L é stat dapò la litazion di componenc de la Comiscion litala e di raprejentanc tel Consei General e la comunicazion de la dezijion del ombolt per i componenc de la Jonta e del raprejentant te l'APT.

Se pel lejer dut su La Usc nr nr 20 dai 30 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.  (Lucia Gross)