La Usc di Ladins

30 ani Lia Modelisć Gherdëina
La giaurida dla mostra per festejé chësc iubileum ie n vënderdi ai 30 de mei dala set da sëira tla Cësa di Cungresc basite
Per festeié si trënt ani, se à l cunsëi dla lia Modelisć Gher­dëina pensà de mëter a jì na mostra. Iló possa la jënt se fé n’ idea di modiei cun chëi che i cumëmbri jola. La mostra sarà da udëi tla sala Luis Tren­ker tla Cësa di Cungresc a Urtijëi. dlongia la mostra per­manënta dl artejanat artistich.
La giaurida ie n vënderdi ai 30 de mei dala set da sëira tla Cësa di Cungresc basite. La mostra resterà davierta da n sada ai 31 de mei nchin ai 2 de juni, dala 9 ala 12 danmesdì y dala 14 ala 19 domesdì.
Duc ie de cuer nviei.

Transfiguration:

• 
•  

View the embedded image gallery online at:
https://www.lausc.it/manifestazions-y-evenc/29564-manifestazions-atuales-speziales#sigProId6e01f468d4

Matter, Identity, Mutation
La Galaria Doris Ghetta à l plajëi de nvië ala giaurida dla mostra coletiva Michael Fliri, Judith Neunhäuserer y Oliver Laric, ncuei vënderdi, 23 de mei dala 18:00 inant tla Galaria Doris Ghetta a Puntives
Cun de plu media – fotografia, video, scultuta y formes digi­teles – ti va chësta mostra do ala metamorfosa coche stru­mënt critich per la nterpretazion dl mumënt. La cumposizion lieia te n dialogh corps, formes y chedri y nvieia a pensé do de paroles coche stabilità y iden­­tità. Te n tëmp de muda­mënc tecnologics, ecologics y culturei, pietela la lerch per na cunfruntazion critica cun chisc pruzesc.
La mostra resterà da udëi nchin ai 21 de juni.

»cantus iuvenis cun Nadia Rungger«
Conzert dl cor da Viena y letöra dl’auturia de Gherdëna, ai 29 de ma tl Museum Ladin Ciastel de Tor
Le Museum Ladin in­viëia en jöbia ai 29 de ma dales 18:00, tl Muse­um Ladin Ciastel de Tor, ala manife­staziun »can­tus iuvenis cun Na­dia Rungger«.
Le conzert dl cor da Viena »cantus iuvenis« adöm ala letöra dl’au­turia Nadia Rung­ger porta le titul »Identité danter lin­gac«, che dess fá da cor­nisc por rimes y cianties portades dant te de plü lingac y invié a ponsé do sciöche le lin­­gaz influ­enzëia nosta identité.

Sonns sön tru cun »cantus iuvenis«
Le cor da Víena se lascia aldí a San Martin, Corvara y Bornech, cun na

• 
•  

View the embedded image gallery online at:
https://www.lausc.it/manifestazions-y-evenc/29564-manifestazions-atuales-speziales#sigProId6e01f468d4

premiera ladina
Do na palsa de cin’ agn, vëgn le cor da Viena »cantus iuvenis« indô te Südtirol! Incër 40 ciantarines y ciantadus, en pert ince ladins, se lasciará aldí te trëi conzerc, sot la direziun musicala de Mathias Crazzolara, y portará le publich sön n iade musical.
Ti conzerc podarán aldí toc pop, sciöche ince leteratöra corala ladina. Cun gran ligrëza presënta »cantus iuvenis« por le pröm iade te Südtirol na composiziun ladina inciariada en ocajiun de so 20ejim aniversar. Ara se trata dl toch »La ria sajun se röia!«, scrit da Konrad Tavella – na com­posiziun a cater usc por cor moscedé. Sot l’organisaziun de Badiamusica gnarál tigní n conzert en vëndres ai 30 de ma dales 20:00, tl salf dles manifestaziuns a Corvara, y spo en sabeda al 31 de ma dales 19:00, tl Ragenhaus a Bornech.
Bele la jöbia ai 29 de ma dales 18:00, ciantarán ince tl Museum Ladin Ciastel de Tor a San Martin, olache le cor sará da aldí adöm cun la poeta Nadia Rungger. Deplü tla manifestaziun chiló a man ciampa.

N sföi salvare da colorí
En vëndres ai 30 de ma dales 10:30 vëgnel presenté a San Martin de Tor n sföi da colorí particolar, olache an impara de vigni sort sön i tiers salvari
La Lia di iagri de Südtirol y l’Istitut Ladin Micurá de Rü inviëia dër bel ala presentaziun dl liber »Le sföi salvare da colorí de Hermi«, en vëndres ai 30 de ma dales 10:30, tl salf dl Istitut Ladin a San Mar­tin de Tor. Ara se trata de n sföi particolar, che á al zënter i tiers salvari de nüsc raiuns. Dlungia le plajëi da i colorí, podarán ince imparé de vigni sort sön sües carateri­stiches y so ambiënt de vita.
La cornisc musicala por la presentaziun vëgn pitada dala Musiga di iagri.

Repair Café
La Lia per Natura y Usanzes nvieia al Repair Café ai 31 de mei dala 9:00 nchin la 14:00 sun Plaza de San Durich a Urtijëi
Smaché? Nianca da pensé no! L Repair Café ie na ancunteda ulache n possa se la­scé cuncé da esperc y esper­tes stofs, draps, guanc, aparac eletrics, ro­des y bagli y nce lascé fé tai ai curtiei.
L apuntamënt ie n sa­da ai 31 de mei dala 09:00 nchin la 14:00 sun Plaza de San Du­rich a Urtijëi. La Lia per Natura y Usanzes se ncunforta.

Aventöra Artejanat
Ala fin de ma se trasformëia la Intercable Arena da Bornech te na gran fujina artejanala, por presenté döta la varieté di mistiers. Ai 30 y 31 él dui dis por families y düc i interessá
L’assoziaziun di artejans LVH/APA mët a jí dal mercui ala sabeda dai 28 al 31 de ma la iniziativa »Abenteuer Handwerk« – Aventöra Artejanat. Tla Intercable Arena gnarál metü sö 19 stonc interatifs, olache an pó odëi y ince porvé fora i mistiers artejanai plü desvalis: dal tistler al muradú, dal depenjadú al conditur y tanc d’atri. I pröms dui dis é la ini­ziativa daverta ma ales scores elementares che s’á prenoté. Le vëndres ai 30 dales 13:00 ales 16:00 y la sabeda ai 31 dales 10:00 ales 16:00 é la mostra daverta ales families y ales porsones interessades, por se fá na idea dla gran varieté de mistiers tl ciamp dl artejanat. L’entrada é lëdia.

Ester möt, zënza presciun
Ai 28 de ma él na serada d’informaziun a La Ila, olache al vëgn mostré sö ci faziun che la presciun costanta á sön i mituns
Le Consëi de formaziun Badia inviëia en mercui ai 28 de ma a na serada d’informaziun dal titul »Potentialentfaltung statt Leistungsdruck« (svilup dl potenzial impede druch de prestaziun), dales 20:00, te scora mesana a La Ila.
Te chësta sëra vëgnel mostré sö ci faziun che na presciun costanta á sön le svilup dla personalité di mituns. Al gnará baié de ci sostëgn che vá bun y co che na presciun »sana« á da ciaré fora. Referënta é Heike Torggler.