La Usc di Ladins

La belëza de 6 menüc y valch: avisa tan dî á doré la sentada costituënta dl Consëi Comunal de Mareo, rové adöm en vëndres ai 23 de ma do­misdé. Te chësc cört tëmp ésera jüda da desfiré ia i punc de dovëi, da fá le joramënt y ince da ciafé l’aprovaziun plëna por la junta nöia. Por la lista "Al Plan", che mët ince l’ombolt, él rové te junta Paul Pisching y ël á ciafé la inciaria da vizeombolt. Dla me­dema lista á ciafé n scagn ince le se­cundo plü lité Klaus Mutsch­lechner. Dla lista da Rina él gnü tut ite l’assessur da denant Pepi Tasser, dla lista "Düc Adöm" Katrin Ellecosta da La Pli y dla lista "Paisc d’La Pli" él gnü tut ite Patrick Complojer, che ê bele sté assessur dan döes legislatöres. Canche l’ombolt á damané la crëta, á düc i aconsiadus presënc alzé la man, zënza n intervënt. Sce na sen­tada döra indere tan püch, ól gonot dí che les discusciuns é stades plü vies danfora.

Deplü ves cuntunse t’La Usc di Ladins di 30 de ma   (pablo)