La Usc di Ladins

Aldidanché la jent viaja dut entorn te la Tèlia e foradecà con gran fazilità e coscita sozet da spes de no abadèr al bel che se à dintornvia, a la richeza che pel dèr n curt viac te noscia Ladinia.

L focus su la toponomastica de l’Aisciuda Ladina de chest an deida a pojèr l eie su nosc teritorie e sun sia carateristiches uniches, a tor endò ca e valorisèr inomes di posć che vivon duc i dis, l ne recorda che l esser ladins l é leà bel strent col ambient olache stajon. Ambient che nos spartion ensema ai etres ladins: l’Union di Ladins de Fascia, con sie president Fernando Brunel, se à donca pissà de endrezèr na belota raida vin Gherdena e più avisa via a Ortijei al Museum Gherdëina, a la gejia de Sacun e ai mèjes de Peza e Mëune, lesc vejins ma no trop cognoscui.

Se pel lejer dut, con n muie de retrac, su La Usc nr nr 19 dai 23 de mé: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.


 (Union di Lasdins de Fascia)