La Usc di Ladins

Por i Stüdafüch da San Ciascian él sté dis de intervënc. Bele en domënia sëra do les 19:00 â i omi messü jí tla strada Costadedoi, olache na tempiada â lascé raité jö bindebó de ega sön la strada provinziala. Deache al é ince n cantier por fá le marciapîsc, él rové te strada ince peres y material. Le secundo intervënt é gnü a s’al dé en mertesc incër les 16:30. N paur â fat alarm che süa mascin da sié manaciâ da s’impié - tl raiun de Pre de Costa. Mo bele püc menüc dedô ê le meso en flames; i stödafüch á porchël podü fá püch. Te chisc caji podessel ester de vigni sort, porchël él dër rî dí ciüna che é stada la rajun, spliga le comandant Devis Crazzolara. La mascin é borjada jö daldöt.  (pablo)