La Usc di Ladins

Niores, aries frësches y ambries de setëmber. Chëstes é trëi carateristiches che á acompagné le mëis de messé 2025 te nosta valada. Sce i ân dan da n mëis scrit dl gran cialdun de jügn olache le termometer ê jü bëgn 12 iadi sura i 30 gra, s’án de messé propi ciafé na "duscia frëida". Aladô di dac de na staziun privata d’Al Plan á messé albü na temperatöra mesana de 16,2 °C, che é avisa 3,1 gra demanco co dl 2024 (19,3 °C) y 1,8 gra demanco co dl 2023 (18,0 °C). I pröms dis de messé án ciamó albü val’ colp de coda dl mëis da denant, olache le termometer é ciamó rové a 30,1 °C ai 2 y sura i 29 gra ti dui dis dedô. Mo spo él gnü les frescöres: ma 11 iadi é les mascimes rovades sura 25 gra de cialt, y 11 iadi n’éseres gnanca rovades a 22 gra. Les minimes á indere dé val’ iade la cercia dl altonn, sciöche dai 8 ai 10 de messé, olache al ê da doman danter 3 y 4 gra, y al é ince gnü jö la nëi sö alalt.

Deplü t’La Usc di Ladins di 8 d’agost  (pablo)