La Usc di Ladins

La Carsëma toca pro i "tëmps stersc" dl ann liturgich. Caranta dis che nes inviëia ala preparaziun, dantadöt spirituala, por la gran festa de Pasca, la ressoreziun dl Signur. N tëmp che nes inviëia ince da coltivé deplü la oraziun y la reflesciun. Na espresciun liturgica de chësc vers é chëra dles Staziuns, la Via Crucis, olache an meditëia l’ultim tru de Gejú devers le Calvare, da süa condana a mort cina ala mort söla crusc y la palsa tl sepolcher. A Lungiarü él bele tröc agn che Monica Costa organisëia les Staziuns por i scolars. Insciö ésera stada ince chësc ann, olache scolars y sües families é gnüs inviá vigni mercui domisdé te dlijia, por perié y cianté la funziun deboriada. N invit che tröc á tut sö y che dëida insciö ince i jonins da rové ite tl mister de chësta festa, che ne se röia nia cun la deponüda tl sepolcher, sciöche pro l’ultima staziun, mo cun la ressoreziun ala vita.  (pablo)