La Usc di Ladins

Primules a fin de bëgn Ince chësc ann á les Patrones de Badia indô tut pert al’aziun dles primules, cun chëres che al vëgn sostegní la inrescida sura la maratia dl crebesc. En vëndres ai 27 de merz danmisdé ésera stada tan inant. La nëi tomada püch denant y le frëit n’é nia stades de gran aiüt, mo impó á les Patrones podü stlü jö l’aziun cun n bun resultat y á abiné adöm na bela spënora de 900,00€. Les Patrones i dij n gran giulan a dötes y düc chi che é storc pro a cumpré ciüfs, o che á dé so contribut cun na picera spënora.  (pablo)