La Usc di Ladins

»I ne podun nia plü perde tëmp sce i orun pié ia cun la fasa de sperimen­taziun da d’altonn« á dit le mëmber de Consëi Franz Kostner, tla sentada de consëi desfirada ai 27 de merz te Ciasa de Comun a Corvara. Le trafich söi jus é na tematica cialda. La presciun da pert di ambientalisć y dla popolaziun devënta tres maiú y la lamentanza é oramai sterscia. I provedimënc tuc cina sëgn n’á nia porté al resultat aspeté. 

D’otober dl 2025 á i Comuns da Corvara, Sëlva, Santa Cristina, Urtijëi, deboriada ales Cooperatives turistiches de Gherdëna y dl’Alta Badia, l’IDM y l’Ofize dla Mobilité dla Provinzia de Balsan, metü sö n grup de laur cun mëmbri rapresen­tatifs dles perts devalies. Por mioré la gestiun dl trafisch söi jus él gnü lauré deboriada por n sistem nü. Sce, avisa nü, ajache ignó tla Talia cina sëgn n’él ciamó gnü realisé n sistem che passenëies pro chësta situaziun y che pois porchël gní surantut. 

Le proiet prevëiga la pre­vijiun dl pröm raiun archité (por talian »ztl/zona a traffico limitato«) – extraurban te n raiun da munt tl Stat talian. 

Deplü da lí sön le proiet ciafëise tla ediziun da indoman, publicada vëndres le 3 d’aurí 2026!