La Usc di Ladins

Da sis agn incá mët a jí les 7 Scores de Schi dl’Alta Badia na iniziativa de solidarieté che liëia sport, comunité y atenziun por chi che é te situaziuns de dificolté. Ince en chësc ann él gnü coiü adöm y mené demez passa 800 toc de guant di maestri y dles maestres de schi, destiná a families che á debojëgn tl raiun dl Maramureś, tl nord dla Romania, dlungia le confin cun l’Ucraina.
Le material ti é gnü surandé ales cöres greco–catoliches de Desești y Hoteni, che se cruziará da le partí fora a porsones y families che á le plü debojëgn. Le contat cun les ploanies é gnü a s’al dé tres l’Ofize Miscionar dla Diozeja de Balsan–Porsenú, en particolar tres Wolfgang Penn, deperpo che le coordinamënt operatif é gnü fat da siur Marius Gheorghe Visovan.

Deplü t’La Usc di Ladins di 12 de jügn