La Usc di Ladins

Le fat é gnü a s’al dé en jöbia domisdé incër les cater tla localité Altin a La Ila, canche les döes porsones dl post s’â metü sön tru cun l’auto por gní jö devers de La Ila. Bonamënter á le ciafer dl meso pordü le control sön la strada forestala y l’ëra, Martina Valentin (78 agn) de Badia, é tomada fora dl meso tratan la scassada. Les condiziuns dl’ëra é stades atira critiches. Ara é gnüda trasportada de prescia cun le joler dl Aiüt Alpin Dolomites tl ospedal a Balsan, olache ara á lascé de vire a gauja dles ferides pesoces.
L’ël che á reporté ferides manco pesoces, é gnü condüt tl ospedal a Bornech.

Söl post él rové i socoridus dl Aiüt Alpinisć Alta Badia, le joler dl Aiüt Alpin Dolomites, i stödafüch da La Ila y la verda de finanza. (mo)