La Usc di Ladins

»Ara ne vá nia da baié de mobilité sostignibla stlujon fora la roda. De chësc vers sunse zoruch respet ales atres localités y al nes mancia les infrastrotöres por la roda. Deperpo che les atres localités á capí la direziun da tó, mancel chiló ciamó na vijiun che vëiga plü inant«, dij l’ostí. Por le tru dla roda gnarára ciamó da aspeté. Tratan fej i apascioná de roda y i ostis che á da fá cun le turism dla roda sües conscidraziuns, sciöche Klaus Irsara. Al conësc bun le raiun dl’Alta Badia y les ghiranzes di ziclisć, sides de chi dl post co di ghesć che vëgn adalerch por jí cun la roda.
»Al mancia ciamó na vijiun a 360 degrá por la infrastrotöra dl tru dla roda, che do mia minunga é öna che vá a bëgn dla comunité, che promöi na mobilité plü sostignibla y n turism che se fej bun: plü chît, manco asvelt y che vá cuntra le turism de un n de«, dij l’ostí.

I ún tut l’ocajiun da intervisté Klaus Irsara sön chësta chestiun.


Tla ediziun nöia de chësc vëndres ciafëise da lí l’intervista intiera!