La Usc di Ladins

»I á tut le tru da cogo y i n’oress nia fá val’ d’ater«, dij Nicola Laera da San Ciascian. Nasciü l’ann 1983, ál bele do la scora mesana metü man da jí a lauré, ciapan defata te chël laur che bele so pere fajô: le cogo. Süa cariera é cun i agn jüda roduntassö y Laera á lauré tles ciases­dafüch plü de prestisc tla valada. Diesc agn alalungia ál lauré sciöche »Sous chef« cun Norbert Niederkofler tl restorant da stëres St. Hubertus a San Ciascian y dl 2013 ál instës arjunt na stëra Miche­lin, sciöche chef dla »Stube Hermi­tage« a Ma­donna di Campiglio. Na stëra che al s’á spo tut para y confer­mé ince i agn do, sciöche chef tl re­storant »La Stüa de Michîl« a Cor­vara. L’ultima esperiënza é stada tl resto­rant »Burjè 1968« a Corvara. En chësc ann s’ál tut na sort de »isté sabatich«, deache al s’á pité por ël na ocajiun davëi plü unica che rêra. Al á podü jí ti USA a cujiné por la nazionala de palé austriaca, che podô do 28 agn indô n iade tó pert ai Mondiai. Sëgn che döt é passé ia – i austriacs á messü ti la zede ala Spagna, gnüs campiuns dl monn – unse tut sö contat cun Nicola por le damané co che chësta poscibilité é gnüda a s’al dé y ciünes che é sta­des ligrëzes, particolarités y desfides da cujiné por na nazionala de palé.

La intervista cun le chef Nicola Laera podëise lí t’La Usc di Ladins di 21 d’agost  (Intervista: Pablo Palfrader)