nce sce la 2. Vera dl Monn cun sües desdrütes, crudeltes é da cotan d’agn passada, ne vëgnera nia desmentiada; cis sëgn che al é indô da plü agn vera tl’Europa y altró, vëgn deplü malfac dla 2. Vera trac ca y laurá sö da pert de studënc che oress savëi, te ci condiziuns che de sü geniturs y berbesc é rová y á messü soporté. An oress mëte la blota verité sön mesa impede la ascogne ia sciöche al é gnü fat dala vera incá tröc agn te Südtirol. Cun ascogne ia y ignoré certi malfac ne vëgnai nia mëndri, mo ai indespra tres deplü l’interes dla jënt jona inesperta dl tëmp passé, mo coriosa y interessada al sozedü de chi agn scürs.
Na porsona che ne se mirita nia da gní desmentiada é le maester Stachio Costa de Badia, nasciü dl 1914 tla vila Pransarores; sü geniturs ê le paur Ziprian Costa y Tarina Valentin de Val, che ê la efon de Badia. Sü fredesc ê Felize y Pire, les sorus ê Angela, Maria y Hedwig. Do i stüdi a Porsenú é le jonn Stachio gnü cherdé dl 1935 pro i soldas a fá vera tla Abissinia jön Africa; al á messü fá le soldá 10 agn alalungia, cina dl 1945.
Deplü podëise lí t’La Usc di Ladins di 21 d’agost (Lois Trebo)
Mai desmentié
Data
23 de agost 2026
Grandeza scritura
Social
Te tëmps olache al vëgn indô sö y olache an baia tres danü de veres, él important da ne desmentié nia ci che porsones á messü passé y sté fora. I recordun le maester Stachio Costa de Badia, che á messü sté 10 agn pro i soldas y é ince gnü interné te n ciamp de conzentramënt
