La Usc di Ladins

A Desproch tl salf nobl dla Hofburg s’á en Santa Maria dal Ciüf desfiré la fesa por la surandada dles medaies y dles crusc al mirit dl Land Tirol. Danter i 30 premiá dl Südtirol é deplü medaies al mirit rovades ince tl’Alta Badia. Chiló te chëstes intervistes nes cunta Heinz Canins y Denis Costa deplü dl’onoranza che ai á pié do sciöche sëgn de reconescënza por süa ativité straordinara.

Heinz Canins da Badia á podü pié do la medaia de mirit por l’engajamënt tles uniuns dles musighes de valada, scomencé dan da presciapüch 50 agn. Ciamó aldedaincö é Heinz Canins na figöra de referimënt por la coejiun dles musighes de döta la Val Badia sot al tët dla Uniun Musighes Val Badia, a chëra che Heinz Canins é a ce da 14 agn, do ester sté dialalungia mëmber atif.

Öna dles medaies de mirit por le salvataje de vites umanes é gnüda surandada a Denis Costa da La Ila, deboriada a Mauro Zanon da Tieser a chi che ara ti é garatada tl 2024 da i salvé la vita a n ël rové tl prigo tla munt de Pöz.


L’intervista intiera ciafëise da lí tla ediziun nöia de vëndres ai 21 d’agost!