La Usc di Ladins

La assoziaziun culturala Smach (San Martin Art, Culture and Heritage) á ciafé na presidënta nöia. Alessia Clara da Lungiarü é la surastanta che é gnüda litada tla sentada di 20 de messé y che á surantut l’inciaria por i proscims trëi agn. Sciöche mëmbra dl comité Smach á Alessia Clara (27 agn) acompagné les bienales y i proiec metüs a jí dal diretif dal 2023 inant. Te Smach á la jona odü val’ deplü: »Smach por me é le meso da porté tla valada y tla munt chë ert che an ciafa te contesć plü ampli, mo che mancia chiló ciamó. Defata canche i sun rovada zoruch tla valada, do avëi stlüt jö le stüde de pitöra tla Accademia delle Belle Arti de Brera, ái metü man da colaboré cun Smach, propi por mantigní la relaziun cun l’ert che i â tratan mi stüde. I orô contribuí a porté tla valada vijiuns nöies«, cunta Alessia Clara. 
Tl 2027 metará fora Smach danü operes de artisć da döt le monn tla bienala che röia a süa 8. ediziun. 

Te na intervista s’l’unse cuntada cun Alessia Clara, de süa inciaria nöia, de ert y de sües vijiuns.

L’intervista intiera ciafëise da lí tla ediziun nöia de vëndres ai 28 d’agost!