La Usc di Ladins

Aladô dla tradiziun él gnü a s’al dé en la Gran Santa Maria, ai 15 d’agost, la festa tl zënter da La Ila cun defilada. Iniann á la defilada albü tröc spetadus che cun le cialt y le bel tëmp á aspeté sön ur de strada al passé dla bisca de grups, musighes y ciars abelis che á defilé fora por zënter. Chëra dl 2026 é stada na defilada dedicada ala storia dla musiga dla localité.

Pro la defilada n’á nia mancé uniuns locales che á dantadöt a ci fá cun la musiga: al á tut pert la Musiga da Albeins, la Musiga da La Val y chëra da La Ila. Ince l’Uniun dl Bal Popolar Val Badia y i Kyrios á passené bun tl cheder, portan dant na cercia de süa ativité cun esibiziuns cörtes.


Deplü impresciuns dla defilada da iniann podëise ciafé tla ediziun nöia de chësta edema, chëra publicada le vëndres ai 28 d’agost!