La Usc di Ladins

Musega e valores de pèsc, ma ence musega, cultura e èrt, musega e arpejon. L Conzert da d’Aisciuda endrezà da l’Union di Ladins de Fascia, en colaborazion col Comun de Soraga, en domenia ai 20 de mèrz, sarà l’ocajion per scutèr musega classica e romantica de prestije ma ence cognoscer n artist che à lascià pedies fones te l’èrt de Soraga e de duta Fascia: Tita Pederiva Batistoun.

Ghestes de onor l é la artistes ladines Sabina Willeit mezsopran e Martina Rifesser a l’èrpa che portarà dant museghes e operes liriches de Mozart, Beethoven, Rossini, Schubert, Puccini per n nominèr vèlch un, ma ence trei cianties del cognosciù componist moenat, Luigi Canori.

L apuntament col Conzert da d’Aisciuda l é en domenia ai 20 de mèrz da les 17:00 te La Gran Ciasa a Soraga. Se pel ite aldò de la normatives en esser.

De più su La Usc stampèda de vender ai 18 de mèrz.  (MCI)