La Usc di Ladins

En martesc ai 3 de jugn i bec de le clasc terze, quarte e quinte de la scola populara de Vich e i bec de la scola populara de Fodom se à troà sun jouf de Fedaa dessema al espert Norman Gasperini, che fasc part de la Comiscion Glaciologica Trentina de la S.A.T. Chest’outa per rejonar scì de la valuta de l’aga desche ressorsa indispensabola per la vita de noscia tera, ma soraldut per ge dar luster a noscia Reina de la Dolomites, la Marmolada, che l é stat per egn na gran resserva de aga e che, da le previjon di studiousc del clima e di giacees, ogne an la lascia ju n toch de sia preziousa giacia. Aon recognosciù de aer la fortuna de viver te n post olache aon n muie de fontane, ruves, giacees, ma che chesta fortuna no la é per semper, descheche aon ciantà te più lengac coi bec de le clasc terze de duta la val de Fascia en ocajion de la giornada mondiala de l’aga, ai 20 de marz. Enlouta l é stat n’ocajion emportanta, ajache esser de desvalive scole l é stat n met per manar fora chest messaje da più ousc e più dalonc che l é meso.
I bec de la scola de Vich, da la pruma a la quinta à lurà do al projet su l’aga »L’èga é vita« via per dut l an. Ence i bec de la scola de Fodom à tout part a chest projet, ajache dal scomenz del an i bec più gregn se scrivea letre per todesch per se cognoscer, scambiar si enteresc te la vita e a scola e ence per rejonar de projec che vegn metù su per stravardar l ambient.

Se pel lejer dut su La Usc nr 22 dai 13 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Le maestre de Vich)