La Usc di Ladins

Chest an, do n pec de egn che no la vegnia più fata, la maestres, l ent e l Comitat de gestion de la Scolina de Ciampedel, à pissà de endrezèr endodanef la festa con la families di bec jun Ischia.

Se se à troa con genitores, frèdes e giaves en vender ai 30 de mé e ence l temp l ne à dalbon didà. Te ciamp dal balon don Mario l à ofizià na belota messa su mesura per i bec. Dapodò se é jic inant co la premiazion e promozion di bec gregn che l an che vegn jirà a la scola populèra, di mesegn che doventarà gregn e di picoi che doventarà mesegn. Da en ultima l é stat la prejentazion de dut l lurier fat chest an te scolina. I bec co la maestres, de gra al aiut di genitores e de vèlch persona de paisc, i à metù ensema na picola guida sul paisc de Ciampedel olache vegn contà vèlch curiosità su vigni cèsa di picioi e ence su coche l era Ciampedel chi egn, dut chest documentà da foto.

Se pel lejer dut su La Usc nr 22 dai 13 de jugn: sul sfoi stampà che se pel troèr ence te la boteighes de sfoes de la valèdes ladines o sul pdf per i aboné al e-paper.

 (Sara De Zolt e Lucia Deluca)