La Usc di Ladins

Dotours
Dutor Gherdëina
L dutor de servisc da n sada ai 07.06. dala 08:00 daduman nchin la 08:00 daduman de n lunesc ai 09.06. ie l dutor Pablo Policastro tl ambula­tuere di dutores Kostner/We­ber, a Urtijëi tla streda Tre­binger 10, tel. 366 3646 254. Ntan l di de festa n lunesc ai 09.06. ie l dutor Giuliano Pic­coliori de S. Cristina de ser­visc, tel. 0471 792282 o 348 3301004.
Doturs Val Badia
Ti cin’ comuns dla Val Badia él en sorvisc tla fin dl’edema di 7 y 8 de jügn, sciöche ince en Lönesc de Pasca de Ma ai 9 de jügn, la doturia Stefania Febbraro, Al Plan, tel. 377 3288595.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 06.06. nchin n vënderdi ai 13.06. ie chëla de S. Cristina, tel. 0471/792 106 o 333/1776615 (orar de giau­rida 8.00-12.00/15.00-19.00).
Apoteca Val Badia
L’apoteca en sorvisc fora dl orar ordinar, dal vëndres ai 6 de jügn dales 19:00 al vën­dres ai 13 de jügn ales 19:00, é chëra da San Martin/Picolin, tel. 0474 523020.

Religion
07.06.
Jesus’ Kids & Teens – special Summer Edition
La Schiera Junila de Sëlva nvieia mutons y mutans dala terza elementera insù y chëi:les dla scola mesana, a scumencé l instà cun truep juesc, sté deberieda y aurela curta, cian­tan y perian. N se anconta tl local dla Schiera n sada ai 7 de juni dala 16:00 nchin la 17:30. Per plu nfurmazions 334/7478018.
14. y 15.06.
Oraziun y catechesa a Oies
Te dlijia da Oies a Badia vë­gnel metü a jí incuntades de oraziun y catechesa, cun le prou esorzist p. Giacobbe Elia y le psichiater catolich Fede­rico Fagioli. I termins é en sabeda ai 14 de jügn dales 19:30 y en domënia ai 15 de jügn dales 15:00 inant.

Avisc
Atualmenter
Gropes de letura te Biblio­teca de Comun de Sèn Jan
L grop de letores Amisc de la Biblioteca de Sèn Jan l é de­bant e avert a duc, l se bina n’outa al meis te sala junsot la biblioteca. L appuntamento che vegn l é en mercoledì ai 18 de jugn da les 17:30; info te Comun al 0462 764758/9.
Atualmënter
Nrescida per l plan dl tlima
L Chemun de Urtijëi mët a jì na nrescida anonima per abiné soluzions che porta pro a n svilup sustenibl dl chemun. La cumenanza ie de cuer nvie­da a fé pea pra la nrescida, che n abina online (https://de.surveymonkey.com/r/5Z8 DWZL) o sun papier te Che­mun.
06.06.
Lengac standard te la Majon di Fascegn
L Istitut Cultural Ladin met a jir anché, vender ai 6 de jugn na scontrèda interladina che à per tema la standardi­sazion linguistica e l davegnir del ladin. Se pea via te la senta a Sèn Jan da les 9:30 con la registrazion e i intervenc, da les 12:00 l é la discuscion e do marena da les 14:30 i labo­ratories.
08.06.
Inaugurazion nef meso di Studafech
En domenia ai 8 de jugn a So­raga do messa grana da les 9, te Pra del Preve vegn inau­gurà e benedì l nef meso di Stu­dafech. Da les 12:00 l Co­mitat manifestazions aur la cojines.
09.06.
Iscrizions: Scola de Criatività
La iscrizions per la Scola de Criatività che scumëncia de setëmber vën tëutes su n lu­nesc ai 9 de juni dala 07:00 inant tres mail, scrijan a liala veta@gmail.com.
12.-14.06.
Hero – Zero Village
Sun Plaza Nives te Sëlva saràl ai 12, 13 y 14 de juni, for dala 10:00 nchin la 19:00, la pusci­bltà de vijité i stonc di partner y sustenidëures dla HERO. N puderà abiné drë’ dl dut che à da nfé cun la rodes da mont.
12.06.
HERO Charity Night
Sun Plaza de Chemun de Sëlva vëniel a s’l dé na »Charity Night«, n juebia ai 12 de juni dala 21:00 inant.
13.06.
Bires e ciacoles a Rampeèr
En vender ai 13 de jugn da les 17:30 a les 20:00 la Bireria Rampeèr de Ciampedel se muda te na majon di libres e vegn sport momenc de ciacoles e de confront con desvaliva persones che laora e che se dèsc ju te desvalives ciampes de la vita e l lurier de Fascia.

Temp Lede
12.06.
Sëira de juesc cun la lia Trix
La lia Trix nvieia a na sëira de juesc da mëisa n juebia ai 12 de juni dala 20:00 tl local dl Circolo a Urtijëi. L sarà da abiné velch per uniun:a!
15.06.
HERO E-Gourmet
L di do la gran garejeda dla HERO vëniel metù a ji na manifestazion de gourmet y relassamënt tres la Dolomites. Cun la roda a lectrisc puderàn arjonjer de plu uties da mont, pra chëles che n puderà se goder vel’ derzeda gourmet y s’la lascé jì bona. Pià via vëniel dala 09:30 te Sëlva dan la Cësa de Cultura Oswald von Wolkenstein, ulache l sarà nce l travert ntëur la 16:00. L possa fé pea 200 parte­zi­panc:tes.

Cursc
20.

• 
•  

View the embedded image gallery online at:
https://www.lausc.it/manifestazions-y-evenc/29662-manifestazions-atuales#sigProId83ee1c235c

– 22.06.
Curs da depënje
L’artista Silvia Nava tëgn n curs da depënje tla natöra, dai 20 ai 22 de jügn a La Val. Por informaziuns y iscriziuns pón jí sön www.silvianava.it

Mostres y Ert
Atualmenter
»UTERES« de Claus Soraperra tel Friul
L artist da Cianacei Claus Soraperra à portà sie event artistich UTERES a Špietar/San Pietro al Natisone te la pro­vinzia de Udin, te la comu­nanza slovena del Friul tel chèder de na fradaa che à tout ite la Majon di Fascegn e l Slo­vensko multimedialno okno – SMO. Sia instalazion resta fora a la galaria d’èrt Beneska galerija enscin ai 15 de jugn.
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­teriestiches gran operes restarà fora da poder veder per dut istà, enscin al meis de otober.
Atualmënter
Transfiguration: Matter, Identity, Mutation
Tla Galaria Doris Ghetta iel da udëi nchin ai 21 de juni na mostra coletiva Michael Fliri, Judith Neunhäuserer y Oliver Laric.
Atualmënter
Mostra: »Countdown to mass extinction?«
Le Museum Ladin arlungé cina ai 31 d’agost la mostra speziala »Countdown to mass extinction?«, da odëi tl Mu­seum Ciastel de Tor. La mo­stra se dá jö cun la plü gran estinziun de massa tla storia dla tera, en relaziun cun la crisa climatica d’aldedaincö.

Mujiga
09.06.
Cunzert: Rejoice
Tla dlieja de San Durich a Urtijëi vëniel metù a jì n cun­zert de mujiga religëusa per Pasca de Mei. L cunzert scu­mëncia dala 18:00 y dura feter n’ëura.
08.06.
Cunzert: Viva la Vida
La Grupa Helios y la grupa Lady Voices de Funes nvieia a n bel cunzert cun mujiga pop n dumënia ai 8 de juni dala 20:00 tla Gran Sala tla Cësa di Cungresc a Urtijëi.
08.06.
Keep calm and sing on
L Ensemble VocalArt de Persenon cianterà deberieda cun l Cor dl’Università de Eco­nomia de Viena (wu chor wien) ai 8 de juni dala 19:30 tl Vinzentinum a Persenon, sot ala bachëta de Marian Polin y Andrés García. Ntan l cunzert puderàn audì cianties de Lead Belly, Beatles, Queen, Philip Glass y n.i.. La ntreda ie liedia. Duc ie de cuer nviei.

Sozial
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
06.06.
Deberieda – Dlieja de St. Konstantin y jì a pé nchin pra l lech
N se anconta ncuei, vënderdi ai 6 de juni dala 14:00 dan la Cësa de Paussa a Urtijëi, per jì deberieda a cialé la dlieja de St. Konstantin. Daldò jiràn a pe nchin pra l lech. »Debe­rieda« ie na grupa che mët a jì ancuntedes danter ulenteres y persones che à problems psichics o de sozialisazion.

Referac
06.06.
Manejé

• 
•  

View the embedded image gallery online at:
https://www.lausc.it/manifestazions-y-evenc/29662-manifestazions-atuales#sigProId83ee1c235c

mort, plura y perduda
Tla biblioteca »Tresl Gruber« a S. Cristina vëniel metù a jì n cërtl de dialogh y baraté ora de minonghes sun co ma­nejé mort, plura y perduda. L apuntamënt ie ai ncuei, 6 de juni dala 19:00. Referënta: Sara Profanter.
11.06.
La Val: informaziun sön i cuatiers cun prisc lié
En mercui ai 11 de jügn dales 20:00 él tl salf »Domëne Moling« a La Val na serada sön i cuatiers cun prisc lié (tod. »Wohnungen mit Preis­bindung«). Leonard Resch (Arche) presentëia le conzet, dedô gnarál presenté n raiun da frabiché preodü a La Val.

Iadi y Jites
08. – 10.06.
Pelegrinaje tla Slovenia
Le KVW Val Badia organisëia n pelegrinaje tla Slovenia cun siur degan Iaco Willeit, ai 8, 9 y 10 de setëmber. Por preno­taziuns y informaziuns pro Christoph Pezzedi al 333 7219535 o ala e–mail crix.pezzedi@gmail.com . Al é da s’anunzié anter mez messé.
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.

Segres y Festes
15.06.
Segra da Bula
La segra da Bula sarà n du­mënia ai 15 de juni. Dala 09:00 saràl la Santa Mëssa y dala 10:00 sunerà la Böhmi­sche da Bula, dala 11:30 la Mujiga de Lengstein. Da ma­rënda puderàn se maië y bever zeche, dala 13:30 jiràla inant cun i »Gipflplattla« y dala 14:30 inant cun mujiga y bona ueia cun la grupa »Schellrodl Musig«.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
10.06.
Sport Ladin
Dales 20:50 ca. n program de Diego Clara, produziun Zak Mayrhofer, a cura de Leo Senoner.
11.06.
Cuartet leterar TV
Dales 20:50 ca. n program de Rut Bernardi, produziun Fusago, a cura de Alessandro Dapunt.
12.06.
Nosta Scola
Dales 20:50 ca. n program de Lena Mulser , produziun Karbonvideo, a cura de Ales­sandro Dapunt.
Informaziuns plü menüdes sön i programs de RAI Ladi­nia pôn ciafè sön www.raibz.rai.it – Sun l medem sit i pro­grames TV sarà da vedei sota »Mediateca« y les trasmiscions radio sota »Podcast«.

Radio
06.06.25
»SMAL« – Proiet dla scola mesana de Sëlva/S.Cristina
Bele dal 2019 incà vën ora, canche l fina via l ann de scola, la zaita SMAL dla scola mesana de Sëlva y S.Cristina. L ie na sort de diare, na abineda de scumenciadives, proiec, via­ges, lecurdanzes che i sculeies dla terza tlasses à fat ti ultimi trëi ani. La SMAL vën scrita dai sculeies nstësc cun l aiut de si nsenianc. Ntervista ala diretëura Ute Senoner y ala cuordinadëura prof.ra Marta Piazza. Trasmi­scion de David Lardschneider.

Sport
07.06.
Dolomites Saslong Half Maraton
La mesa maratona ntëur ala Grupa de Saslonch ruva a si setima edizion: l vën pià via sun Pana dala 09:00, ulache l sarà pona nce l travert. de vieres dl Comici, Passo Sella, Friedrich August, Hutia de Sasplat, Piza Uridl y traviert ino sun Monte Pana. La lun­ghezza ie de 21 km cun n dislivel de 900 m. chesct an on pasa 20 nazions che pea via y enghe engrum de jeni atlec de Gherdeina. Ve ascpi­ton a ti fe l’tifo sun trassa.
07.06.
Sellaronda Bikeday
Nce chëst ann vëniel metù a jì l Sellaronda Bikeday–ai 7 de juni sarà i cater jëufs dla Dolomites (Frea, Ciaulonch, Pordoi y Sela) śarei al trafich a motor dala 08:30 nchin la 16:00, per ti dé la puscibltà a chëi y chëles dala roda de pudëi se goder i jëufs y la cun­tredes zënza messëi abadé ai auti. Duc possa fé pea y la mani­festazion ie debant. L vën pià via te Sëlva da Plaza Nives.
13.06.
Hero Kids, la garejeda cun la roda per mutons
N vënderdi ai 13.06. dala 15.00 inant possa mutons y mu­tans danter 4 y 12 ani se mu­seré te na garejeda nia cum­petitiva sun n percurs tres l luech de Sëlva. Iscrizions: tres l link sun la plata internet dla Hero (priesc: 25€).
29.06.
Cumbatimënc de Muay Thai
N dumënia ai 29 de juni dala 14:30 inant, mët la Scola de Muay Thai (n sport de cum­batimënt) a jì – tla palestra dla scola elementera de Urtijëi – cumbatimënc a livel amato­riel y prufesciunel, cun atlec dla Talia, Germania, Spania y Tailandia. L fajerà pea nce atlec:tes dla grupa de Gher­dëina. Chertes: 30€, da pudëi cumpré sun i-ticket.it. Per plu nfurmazions: 366 208 0831.