La Usc di Ladins

Sport
13.06.
Hero Kids, la garejeda cun la roda per mutons
Ncuei vënderdi ai 13.06. dala 15.00 inant possa mutons y mutans danter 4 y 12 ani se museré te na garejeda nia cumpetitiva sun n percurs tres l luech de Sëlva. Duc ie nviei a unì a cialé.
14.06.
HERO Südtirol Dolomites 2025
La garejeda de rodes per prufesciunisć:tes y amatëures unirà a s’l dé nce chëst ann, n duman sada ai 14 de juni. L vën pià via dala 07:10 da Plaza Nives te Sëlva demez. Dala 21:00 inant saràl la pre­miazion sun Plaza de Chemun te Sëlva.
29.06.
Cumbatimënc de Muay Thai
N dumënia ai 29 de juni dala 14:30 inant, mët la Scola de Muay Thai (n sport de cum­ba­timënt) a jì – tla palestra dla scola elementera de Urtijëi – cumbatimënc a livel amato­riel y prufesciunel, cun atlec dla Talia, Germania, Spania y Tailandia. L fajerà pea nce atlec:tes dla grupa de Gher­dëina. Chertes: 30€, da pudëi cumpré sun i-ticket.it. Per plu nfurmazions: 366 208 0831.

Temp Lede
15.06.
HERO E-Gourmet
L di do la gran garejeda dla HERO vëniel metù a ji na manifestazion de gourmet y relassamënt tres la Dolomites. Cun la roda a lectrisc puderàn arjonjer de plu uties da mont, pra chëles che n puderà se goder vel’ derzeda gourmet y s’la lascé jì bona. Pià via vëniel dala 09:30 te Sëlva dan la Cësa de Cultura Oswald von Wolkenstein, ulache l sarà nce l travert ntëur la 16:00. L possa fé pe 200 parte­zipanc:tes.
Uni juebia
»Flying Aperitivo«
La manifestazion unirà fata uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder la bela ududa pra n aperitif. Da bur’ tëmp vën la manife­stazion spënta. L ie da se scrì ite nchin l di dant pra la Lia dl Turism de Santa Cristina o diretamënter pra l mplant dla Mont Sëura.

Avisc
Atualmenter
Oraries biblioteca Majon di Fascegn
La biblioteca de la Majon di Fascegn é averta de mèrtesc da les 9:00 a les 12:00 e da les 14:00 a les 16:30, de mercol demò da les 14:00 a les 16:30, i etres dis, fora che de vender, su apuntament. I archivies se pel i consultèr demò su apun­tament de lunesc e de jebia da les 8:00 a les 18:00.
Atualmënter
»Ëres dëida Ëres«
L’ofize a Bornech é da ciafé tla str. Paul von Sternbach nr. 6. Al é davert dal lönesc al vëndres dales 8:30 ales 11:30, le mercui ince dales 15:00 ales 17:00. info@frauen helfenfrauenbruneck.it
Atualmënter
Iniziativa di ëi de Puster – MIP
L’ofize dla MIP–Männer­initiative Pustertal dëida i ëi y peri pro caji de separaziun y pîta aiüt te situaziuns de di­ficolté. L’ofize é tl Patern­steig nr. 1 a Bornech y é davert lönesc y mercui dales 14:00 ales 19:00, le vëndres dales 8:00 ales 12:00. Contac: 0474 555848, 340 1896431 o info@mip-pustertal.it
Atualmenter
Grop de letura te Biblioteca de Comun de Sèn Jan
L grop de letores Amisc de la Biblioteca de Sèn Jan l é debant e avert a duc, l se bina n’outa al meis te sala junsot la biblioteca. L appuntamento che vegn l é en mercol ai 18 de jugn da les 17:30; info te Comun al 0462 764758/9.
Atualmënter
Hero – Zero Village
Sun Plaza Nives te Sëlva saràl ai 12, 13 y 14 de juni, for dala 10:00 nchin la 19:00, la pusci­bltà de vijité i stonc di partner y sustenidëures dla HERO. N puderà abiné drë’ dl dut che à da nfé cun la rodes da mont.
Atualmënter
Nrescida per l plan dl tlima
L Chemun de Urtijëi mët a jì na nrescida anonima per abiné soluzions che porta pro a n svilup sustenibl dl chemun. La cumenanza ie de cuer nvie­da a fé pea pra la nrescida, che n abina online (https://de.surveymonkey.com/r/5Z8 DWZL) o sun papier te Che­mun.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies ala espertes Karin Planker y Linda Facon­ti. L cost ie de 5€ per cu­mëmbri dla Lia Gaia.
Juni
Mpresté trohtes a Urtijëi
Dai 4 de juni inant pòssen uni mierculdi dala 20:00–21:30, mpresté ora trohtes pra la Lia Guant dala Gher­dëina de Urtijëi, tl self dla lies tla Cësa di Cungresc suaut. La trohtes per mutans y mu­tons vën mprestedes ora do­mesdì, ai 4, 11 y 18 de juni, cher­­dan su danora l numer de Nadja Moroder 334 526 6014.
13.06.
Bires e ciacoles a Rampeèr
Anché, vender ai 13 de jugn da les 17:30 a les 20:00 la Bireria Rampeèr de Ciampedel se muda te na majon di libres e vegn sport momenc de cia­coles e de confront con des­valiva persones che laora e che se dèsc ju te desvalives ciampes de la vita e l lurier de Fascia.
24.06.
Marcià tradiziunel di paures y di artejans
Uni merdi, dai 24 de juni inant, for dala 19:00 nchin la 22:00, saràl l marcià di paures y di artjenas tl zënter de Santa Cristina. Uni ena unirà pre­jentà n mestier da artejan y l ne mancerà nia ntrateni­mënt de mujiga.

Dotours
Dutor Gherdëina
L dutor de servisc da n sada ai 14.06. dala 08:00 daduman nchin la 08:00 daduman de n lunesc ai 16.06. ie l dutor Simon Kostner de Sëlva, tel. 347 2297492.
Doturs Val Badia 
Ti cin’ comuns dla Val Badia él en sorvisc tla fin dl’edema di 14 y 15 de jügn, le dotur Guido Caretta, Calfosch, tel. 0471 836870 o 337 616080.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 13.06. nchin n vënderdi ai 20.06. ie chëla de Ciastel, tel. 0471/706323 (orar: lu-ve 8.30-12.00/15.00-19.00. Turnus: sa. 8.30-12.00/16.00-19.00, du. 10.00-12.00).
Apoteca Val Badia
L’apoteca en sorvisc fora dl orar ordinar, dal vëndres ai 13 de jügn dales 19:00 al vën­dres ai 20 de jügn ales 19:00, é chëra d’Al Plan, tel. 0474 501240.

Segres y Festes
13.06. – 15.06.
Festa 100 agn Stüdafüch La Ila
Dai 13 ai 15 de jügn. Incö vën­dres ai 13 dales 17:00, tla Ciasa dla Cultura, presenta­ziun dl liber »100 Agn Stüda­füch La Ila«; dedô festa alaleria cun musiga. Ai 14.06. festa dlungia la sënta, cun musiga y poscibilité da mangé. Dales 15:00 desmostraziun y da sëra musiga dal ví. Domënia ai 15.06. dales 9:00 santa mëssa, dedô at ofizial cun discursc d’ocajiun.
15.06.
Segra da Bula
La segra da Bula sarà n du­mënia ai 15 de juni. Dala 09:00 saràl la Santa Mëssa y dala 10:00 sunerà la Böhmi­sche da Bula, dala 11:30 la Mujiga de Lengstein. Da marënda puderàn se maië y bever zeche, dala 13:30 jiràla inant cun i »Gipflplattla« y dala 14:30 inant cun mujiga y bona ueia cun la grupa »Schellrodl Musig«.

Cursc
20. – 22.06.
Curs da depënje
L’artista Silvia Nava tëgn n curs da depënje tla natöra, dai 20 ai 22 de jügn a La Val. Por informaziuns y iscriziuns pón jí sön www.silvianava.it
17.06.
Imparé da fá n amigurumi
Le Consëi de formaziun da Corvara inviëia a n curs olache an pó imparé da fá n amigu­rumi. An s’incunta le pröm iade en mertesc ai 17 de jügn dales 16:30, te biblioteca a Calfosch. Al vëgn fat anter dui iadi. Referënta é Stefania Meneguzzo. Al vá debojëgn da savëi bele n pice püch da lauré a spëi.

Iadi y Jites
Atualmënter
Iscrizions: Viac de 5 dis tl Saarland
La grupa KVW de S.Cristina mët inò a jì n viac da d’autonn, chëst iede tl Saarland cun la Region dla Mosel y Luxem­burg, dai 1. al 5 de utober. Per plu nfurmazions y iscri­zions: Emmerich Senoner, 335 5713575.
08. – 10.09.
Pelegrinaje tla Slovenia
Le KVW Val Badia organisëia n pelegrinaje tla Slovenia cun siur degan Iaco Willeit, ai 8, 9 y 10 de setëmber. Prenota­ziuns y informaziuns pro Chri­­stoph Pezzedi al 333 721 9535 o ala mail crix.pezzedi@gmail.com . Al é da s’anunzié anter mez messé.

Mostres y Ert
Atualmenter
»UTERES« de Claus Soraperra tel Friul
L artist da Cianacei Claus Sora­perra à portà sie event arti­stich UTERES a Špietar/San Pietro al Natisone te la pro­vinzia de Udin, te la comu­nanza slovena del Friul tel chèder de na fradaa che à tout ite la Majon di Fascegn e l Slo­vensko multimedialno okno – SMO. Sia instalazion resta fora a la galaria d’èrt Beneska galerija enscin ai 15 de jugn.
Atualmenter
Alcide De Gasperi en mostra a Cianacei
Doman sabeda ai 14 de jugn da les 17:00 te Cèsa de Comun de Cianacei vegn inaudà la mostra »Alcide De Gasperi. Album di casa« per endrez del Comun e de la Majon di Fascegn. La restarà fora fin ai 7 de messèl duc i dis da les 8.30 a les 12.30 e da les 15.00 a les 19.00; dai 30 de jugn fora e fora da les 8.30 a les 19.00; entrèda debant.
Atualmenter
Operes de Matthias Sieff a Limone
L’à inom »Presenze« l’esposi­zion che l cognosciù artist da Ciampedel Matthias Sieff met fora tel Parco Villa Borghi a Limone sul Garda. Sia cara­te­riestiches gran operes restarà fora da poder veder per dut istà, enscin al meis de otober.
Atualmënter
Hubert Kostner – LACORDA02
L Tublà da Nives te Sëlva nvi­eia a unì a ti cialé ala mo­stra LaCorda02 de Hubert Kostner, che resterà davierta nchin ai 29 de juni, uni di ora che l lunesc, dala 16.00 nchin la 19.00.
Atualmënter
Transfiguration: Matter, Identity, Mutation
Tla Galaria Doris Ghetta iel da udëi nchin ai 21 de juni na mostra coletiva Michael Fliri, Judith Neunhäuserer y Oliver Laric.
Atualmënter
Mostra: »Countdown to mass extinction?«
Le Museum Ladin arlungé cina ai 31 d’agost la mostra speziala »Countdown to mass extinction?«, da odëi tl Mu­seum Ciastel de Tor. La mo­stra se dá jö cun la plü gran estinziun de massa tla storia dla tera, en relaziun cun la crisa climatica d’alde­daincö.

Religion
14. y 15.06.
Oraziun y catechesa a Oies
Te dlijia da Oies a Badia vëgnel metü a jí incuntades de oraziun y catechesa, cun le prou esorzist p. Giacobbe Elia y le psichiater catolich Federico Fagioli. I termins é en sabeda ai 14 de jügn dales 19:30 y en domënia ai 15 de jügn dales 15:00 inant.
22.06.
Urtijëi: pruzescion de Dumënia dai Andli
La pruzescion unirà fata n dumënia ai 22 de juni. Dala 07:35 pëierà la Lia Guant dala gherdëina da Plaza de Sant Antone su per l raion da jì a pe nchin pra dlieja, ulache l sarà la Santa Mëssa dala 08:00. Do mëssa saràl pona la pruzescion tradiziunela dala streda Stufan ite nchin ju sun plaza de Urtijëi.
22.06.
S. Cristina: pruzescion de Dumënia dai Andli
N dumënia ai 22 de juni dala 9:30 saràl la Santa Mëssa tla dlieja de S. Cristina. L cianterà y sunerà l Cor de Dlieja y l’Urchestra. Daldò saràl la pruzescion tres l luech cun la trohtes de Gherdëina.

Sozial
Atualmënter
»Club Boé«
Le grup de autoaiüt »Club Boé« por problems de alcol o d’atres dependënzes s’incunta vigni mertesc dales 20:00, tla Ciasa di Stüdafüch a La Ila altaite. Les porsones de referi­mënt é Hubert (tel. 339 169 8343) y Methilde (tel. 335 6977604).
Atualmënter
Bancarela dl mangé a Badia
La bancarela dl mangé é da­verta vigni secunda jöbia, dales 9:30 ales 10:30. Le pro­scim termin é ai 19 de jügn. Al vëgn dé fora da mangé a dötes les porsones dla Val Badia che á debojëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani a se nuzé de chësc servisc che vën pità uni merdi dala 12:00 (Urtijëi Cësa de Cultura; S. Cristina Cësa de Chemun; Sëlva Stua di Seniores). L ie da se lascé nuté su nchin al di dant da mesdì, cherdan su: per Urtijëi l 3207234396 (Vinzenz), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).
20.06.
Deberieda–Sa Bula cun vijita al verzon dala rojules
N se anvonta n vënderdi ai 20 de juni dala 14:00 dan la Cësa de Paussa a Urtijëi, per jì deberieda sa Bula a ti cialé al verzon dala rojules. »Debe­rieda« ie na grupa che mët a jì ancuntedes danter ulenteres y persones che à problems psichics o de sozialisazion.

Mujiga
17.06.
Musega con Stefano Ganz
En mèrtesc ai 17 de jugn da les 21:15 a La Gran Ciasa de Soraga l Comitat Manife­stazion endreza ‘Sonicamente’, na sera con la musega del sonador e componist fascian Stefano Ganz a la reta.

Radio
13.06.
L FC Gherdëina va su tla »Oberliga«
Tl stadio Briamasco a Trënt se à ancuntà ai prim de juni la scuadra de Nago Torbole y l FC Gherdëina per s’la fé ora chiche possa jughé da d’autonn inant tla categuria d’ezelënza/Oberliga. Audiron deplù ntervistes a funzioners, jugadëures y nce tifosi y nes lascia viver pea l’atmosfera te chësc stadio y scuté su la emo­zions di prutagonisć. Trasmi­scion de Stefano Zanotti.
15.06.
Agorà – Lidia Bernardi, n ëila da mile ressorses
Nsenianta respunsabla dl Ski College, presidënta dl Schi Club Gherdëina, mami de cater mutons y for inò da udëi pra scumenciadives cultureles: Lidia Bernardi nes conta de coche la ie bona de curdiné duta si ativiteies, cunscidran che si dis à pu ënghe mé 24 ëures coche chëi de uni auter. Tla segonda pert de nosta ciaculeda cun Lidia jons ite plu sot sun duta si ativiteies, a chëles che la ti va do cun gran lezitënza y lascian udëi si cualiteies da leader (segonda pert). Trasmiscion de Ivan Senoner.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
17.06.
Deboriada
Dales 20:50 ca. N program de Ivan Senoner, produziun Penn Pro, a cura de Leo Se­noner.
18.06.
Trail Spezial
Dales 20:50 ca. N program de aprofondimënt dla redaziun ladina dla Rai.
19.06.
DF dut feminil
Dales 20:50 ca. N program de Laura Moroder, produziun Media-art, a cura de Ales­sandro Dapunt.
Informaziuns plü menüdes sön i programs de RAI Ladi­nia pôn ciafè sön www.raibz.rai.it – Sun l medem sit i pro­grames TV sarà da vedei sota »Mediateca« y les tras­miscions radio sota »Podcast«.