Tratan la discusciun te n clima dër costrutif y bun á la Meloni y la delegaziun südtiroleja acordé l’istituziun de na mësa de laur por desgropé la iurisprudënza dla Curt Costituzionala, gonot contrara ales
View the embedded image gallery online at:
https://www.lausc.it/atualite/22510-mesa-de-laur#sigProIde69237235b
https://www.lausc.it/atualite/22510-mesa-de-laur#sigProIde69237235b
Le presidënt Arno Kompatscher á anuzé l’ocajiun dla incuntada por sotrissé i efec negatifs dla reforma costituzionala taliana dl 2001 söl’Autonomia dl Tirol dl Süd. La iurisprudënza dla Curt costituzionala á dantadöt n impat negatif söi podëis legislatifs dla Provinzia de Balsan, che comporta na morona de situaziuns problematiches. Les interpretaziuns preiudichëia i podëis dla Provinzia de Balsan, ajache ares ti conzed al Stat competënzes trasversales che á la miú söles competënzes legislatives autonomes.
Ütl y prigo dl'Autonomia desferenziada
La delegaziun südtiroleja á ince debatü cun la premier Meloni söla Autonomia desferenziada, deliberada avisa chisc dis dal Govern y che passará sëgn ales döes ciamenes por l’atuaziun. Cun chësta reforma ti vëgnel surandé ales regiuns de statut ordinar competënzes autonomes. La reforma reverda les Regiuns a statut spezial y les Provinzies autonomes ma indiretamënter. Kompatscher: "Sce les Regiuns a statut ordinar ciafa competënzes che vá sura chëres dles Regiuns a statut spezial fora, messass ince le Südtirol les ciafé." Do l’incuntada cun la premier Meloni á Kompatscher y Achammer ince baié cun le minister ai Afars Regionai Roberto Calderoli. Le minister fajará pert dla mësa de laur por l’Autonomia südtiroleja. (Iaco Rigo)