La Usc di Ladins

Danter la roa de contac che an á aldedaincö tl smartphone, podess tröc defata nen avëi un lapró, che respogn al inom de "Giggo - San Vigilio". Ara se trata de n chatbot che la Cooperativa Turistica Al Plan/San Martin á lascé lauré fora da na start up da Balsan; n robot che an á sciöche contat sön Whatsapp y che laora cun la inteliënza artifiziala, por respogne te püc secunc a dötes les domandes che le turist á sön la destinaziun y nia ma.
Chësta novité tecnologica importanta é gnüda presentada en mertesc dl’edema passada a Al Plan, en gaujiun dla sentada generala dla Cooperativa Turistica Al Plan/San Martin. Le diretur dla CT Carlo Runggaldier á baié de n proiet inovatif che é na premiera lunc y lerch, y che revoluzionëia la informaziun al scior.

Deplü sön le chësc "consulënt nü" y sön les atres noivités fora dla sentada generala, podëise lí t’La Usc di Ladins di 16 de ma  (pablo)